La Usc di Ladins

Ester êl sté feter n te’ pice scioch, ai 3 d’aurí, canche al ê gnü la comunicaziun che la Maratona dles Dolomites 2020 foss gnüda desdita. Incö savunse che cun le svilup dla situaziun "corona" ne fossera mai jüda da la tigní sciöche i atri agn, porchël él sté de chël vers la dërta dezijiun. Indere: na dezijiun che á gaujé n gran büsc nia ma tl bilanz dla Maratona instëssa, mo ince tla sajun turistica, olache la Maratona é bele da agn la locomotiva che tira l’isté y le dëida pié ia.
Le comité d’organisaziun n’é te chëstes edemes impó nia sté chit, mo á ciaré da chirí alternatives, che podess altamo lascé n segnal che la Maratona é chiló, ince sce la gara instëssa ne pó nia gní fata. Les iniziatives preodüdes é gnüdes presentades en mercui ai 17 de jügn danmisdé, te na conferënza stampa online, en presënza dl diretur dla Maratona Claudio Canins y de plü jornalisć de media locai y nazionai.

T’La Usc di Ladins di 26 de jügn ves dijunse deplü  (pablo)