La Usc di Ladins

En domënia ai 28 de jügn êl gran festa tl dom da Porsenú. Dales 15:00 él sté la zelebraziun por l’ordinaziun a prou dl miscionar combonian siur Stefano Trevisan d’Al Plan, che é iniann le su primiziant de nosta diozeja. La funziun á messü gní tignida tl respet dles regoles corona, cun azes limité tl dom, mo porchël éra stada da odëi te internet. Al é sté na funziun sintida, plëna de emoziuns. Por le cianté á fistidié le grup "OctoVox" cun ciantadus ladins, sot la direziun de Andrea Tasser de Badia, cun l’acompagnamënt dl orghelist dl dom Franz Comploi.

Deplü sön la festa de ordinaziun ciafëise t’La Usc di Ladins di 3 de messé. Chiló ves pitunse n iade valgünes impresciuns fotografiches. 

Le video dla ordinaziun, trasmetü tres Radio Grüne Welle, pón ciaré sot a chësc link
https://www.youtube.com/watch?v=LXHTUUk7UhM
 (pablo)