Concurs en digital, premiaziun cun mascherot

Data

01 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le concurs internazional de dessëgn Raiffeisen é rové a mez secul de vita. Por via dl "corona" é la ediziun iniann gnüda desfirada scialdi en digital. Le tema da dessigné ê "Contentëza é..."
Ince iniann él indó gnü a s’l dé le concurs de dessëgn Raiffeisen. N concurs che vëgn tigní a livel internazional y che vëgn organisé tla valada dala Cassa Raiffeisen Val Badia, en colaboraziun strënta cun les scores. Iniann é le concurs rové a süa 50ejima ediziun y tut pert á les scores di comuns da San Martin y La Val, cun indöt 190 partezipanc. Le tema che i scolars â da dessigné metô al zënter la contentëza o la felicité: "Contentëza é..." I scolars dla elementara â da se dé jö cun la domanda "Ci te fej pa contënt?", chi dla mesana dê fá n dessëgn sot al tema "Partësc tüa contentëza!"
I scolars á scialdi fat i dessëgns a ciasa y á messü i dé jö en via telematica o diretamënter tles filiales, ê pö les scores stlütes bele dai 5 de merz incá. Cun le "lockdown" y les mosöres de segurëza án ince messü la tó atramënter por la premiaziun, che ê zënza dagnora n gran evënt cun n bel program de cornisc. Iniann é i scolars premiá gnüs cherdá diretamënter te filiala, olache ai á podü jí a se do pesć da bela parüda.

Düc i premiá y valgügn dessëgns ciafëise t’La Usc di Ladins di 3 de messé.  (pablo)