Antersasc: bisces scarzades

Data

02 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dan da diesc dis él gnü scarzé bisces sön Antersasc. Le pinsier vá atira al lu; les proes vëgn ciamó ejaminades.
"Massa bun ne vára pa propi", respogn le paur Fonjo Winkler da Rina, canche i ti telefonëii, "al é le lu che me scherza les bisces". Ci che Fonjo mina, é le fat che é sozedü dan diesc dis, olache al al ti é gnü scarzé cater bisces, bonamënter dal lu. I dijun "bonamënter", deache i resultac dles proes mëss ciamó rové alerch.

Cater tiers morc
Fonjo Winkler vá bele sön Antersasc cun les bisces dal 1993 incá y cina iniann ne ti él mai sozedü nia. Pié sö êl la jöbia ai 18 de jügn, cun 14 bisces, che dê passé l’isté danter la buna aria y de buna erba, tla pésc de Antersasc. Insciö n’éra nia stada. Bele dui dis dedó éra sozedüda. Le tier á scarzé dui agní, lapró ál ferí dassënn na biscia – che é spo ince morta, y nia inultima á le mot de 140 chili messü la crëie. Winkler mina che le mot sides gnü ciacé incërch y che al ti ais dé le bot, deache tan mangé sö n’êl nia.
I tiers morc é gnüs odüs da jënt che passâ iló. Le paur á atira avisé la forestala, che ê bele informada dl fat y insciö él rové söl post i esperc por tó jö les proes, che é gnüdes menades ite por avëi na conferma che al sides bëgn sté le lu.

Ci che le paur Fonjo Winkler dij, ci che al pënsa da fá y co che al vëiga les mosöres de sconanza dl pastorëc, podëise lí t’La Usc di 3 de messé  (pablo)