En vëndres domisdé él gnü n tëmp mat te Mareo, che á porté de gran splaciades y granijores anter dui iadi. Le secundo iade cotan plü stersces co impröma. Chësc s’á lascé sintí dassënn sön le Rü dal Ermo y le Rü de Fojedöra, che â pormó dan val’ dis mené jö material cina Ciamaor. Por fortüna che an é stá asvelc da le romené fora, ajache le rü é jü porsura ince incö, sciöche an pó odëi da chëstes imajes tutes sö al momënt. Na gran ona de material é gnüda jö y é jüda sura let dal rü fora, arjunjon la strada, tan che chi che ê rová iló a ciaré á messü sciampé. I Stödafüs d’Al Plan é atira stá söl post y á ince saré jö la strada. Chësc articul, scrit dales 18:47, é ma la situaziun provisora. I Stödafüs é söl post. Intratan gnarál cherdé alerch ciavadus, por delibré ci che vá, pornanche ara vá.
Chiló le link por odëi le video:
https://youtu.be/Q23qBneN27k
© Pablo Palfrader (pablo)
Al Plan: tëmp mat, le rü vá porsura
N video dl Rü de Fojedöra che vá porsura a Ciamaor
Galaria retrac
View the embedded image gallery online at:
https://www.lausc.it/valedes-ladines/val-badia/13059-al-plan-temp-mat-le-rue-va-porsura#sigProIdb6d88b2089
https://www.lausc.it/valedes-ladines/val-badia/13059-al-plan-temp-mat-le-rue-va-porsura#sigProIdb6d88b2089