La Usc di Ladins

Porté inant tla tradiziun tramanada da vedlamënter incá le laur da paur, cun la natöra, i tiers y la manualité adöm ala creativité y al förtl da svilupé sü produc – chësta é la vijiun y la misciun che armöi l’uniun nöia. Presidënt é le paur Roland Erlacher de Corcela. 
Do 20 agn de marcé dai paurs te paisc d’Al Plan, án messü odëi ite che al manciâ tres deplü la motivaziun por renfresché y mioré l’atrativité por paurs da tó pert ativamënter y por cliënc dal post y sciori. Insciö s’á deplü paurs ponsé da jí n ater tru y da pité val’ manifestaziun de mostra y venüda diretamënter söl lü da paur, danfora le lü Tló Plazores y le Lü de Corcela che á atira mostré interes y spirit de iniziativa. Porchël é sëgn les manifestaziuns dla lia nöia "Agricolart" vigni vëndres, dales 16:00 ales 19:00, n iade a Tló Plazores y l’ater iade sön Corcela.

Liéde do deplü söl’iniziativa tla edizun de La Usc di Ladins da indoman vëndres!