Roes: ciastlins zënza tru

Data

21 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dlungia la roa de Fojedöra n’él gnü jö na secunda, ai 10 de messé da sëra, che á atoché deplëgn la val de Ciastlins cina jö Le dla Crëda. Passa 20 mile cubich de material
Tratan che tröc media y articui s’á conzentré söla gran roa de Fojedöra, él sté manco atenziun por na secunda roa gnüda jö la medema sëra sura Lé dla Crëda sö, olache al é i saltadus de Ciastlins. Al é chë val che vëgn chirida sö da tröc arpizadus por les vies daurides i ultims agn, mo al é ince la val olache tröc vá a ti ciaré ales cascades y olache al é le tru por rové cina söl Ju de Senes o de l’ater vers por jí cuntra Fojedöra. Al momënt é dötes les sëmenes sarades jö: da Lé dla Crëda cina söl Ju de Senes y ince le tru dles Cacagnares por jí ia en Fojedöra. Le ciodí é tosc dit: le vëndres ai 10 de messé é ince la val de Ciastlins gnüda atocada dal tëmp mat, che á lascé raité a val n rü d’ega slunfé sö, y sambëgn tröp material. Le resultat é lëgns tomá, material che é rové cina jö Le dla Crëda y trus desfac. Le pröm toch dlungia crëp sö é slavaté demez daldöt - la sëmena n’é nia plü - y insciö gnanca le punt por passé sura le saltadú ia, la condüta dal’ega da bëre por Lé dla Crëda é te plü posć te l’aier. I lauranc dl ofize de sistemaziun di rüs da munt – o "Chi dai Rüsc" sciöche al vëgn dit – é söl post por tó demez le material.

I un baié cun la responsabla dl intervënt dra. Caterina Ghiraldo. T’La Usc di Ladins di 24 de messé podëise lí do deplü, insciö ince n articul sön ci che an á intenziun da fá cun la "spiaggetta" a Al Plan.  (pablo)