Ala chirida de ega da bëre

Data

25 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ta Lé dla Crëda án foré sot tera ite por chirí na fontana nöia por l’ega da bëre. Che l’alternativa vá debojëgn án ince odü do che la gran roa á mazé ia la condüta prinzipala
Le paisc d’Al Plan é ti ultims dejenns chersciü dër dassënn, suradöt por numer de strotöres turistiches y insciö de lec. Chësc á sambëgn lascé crësce dassënn le bojëgn do ega da bëre, olache al vëgn consumé ann por ann miliuns de litri: le bojëgn dla jënt, dl’agricoltöra, dl turism y tan d’ater. Tla sajun cialda n’é le problem nia tan da sintí, deache les eghes vëgn scialdi abondantes y les prezipitaziuns é bunes. Atramënter éra d’invern, cis i mëisc de jená y forá, olache les prezipitaziuns é speres, mo la domanda do ega grana. L’ega da bëre d’Al Plan vëgn manajada dal Consorz Privat, che á al momënt dui resservars cun la capazité de indöt 2 mile cubich d’ega – dui miliuns de litri. L’ega vëgn dales fontanes de Fojedöra, che porta al momënt püch plü co 20 litri al secunt. Chësc basta cina ciamó por garantí l’aprovijonamënt. Indere: le svilup dl paisc se damana da ponsé al dagní, no ma por garantí l’ega, mo ince por avëi ega de resserva, sce na condüta tomass fora. Che le prigo é concret, án odü do la roa di 10 de messé, olache la condüta é gnüda mazada ia y an á messü condü adalerch ega cun de gran autobots.
Sëgn án fat n tentatif da chirí na fontana ta Lé dla Crëda.

Deplü podëise lí t’La Usc di Ladins di 24 de messé  (pablo)