La Usc di Ladins

L'incuntada cun i cronisć é stada en vëndres, ai 10 de messé 2020, y les minunghes y les esperiënzes da en chësc ann é dër positives. I cronisć á tröp da fá ti mëisc che vá da dezëmber a merz; te chësc tëmp scrii y cöii adöm le material che sará spo le contignü dla cronica. Tanco vignun alza fora la buna colaboraziun cun les uniuns di paisc y ince le laur de coreziun letorat y impaginaziun che funzionëia zënza de gran dificoltés. La usc ti é gnüda passada ince a Sepl Comploi che á en chësc ann, do bëgn 24 agn, dé jö süa inciaria da cronist por le paisc da La Val. So post tolará ite tl dagní Silvia Costabiei. A Sepl en particolar, mo ince a düc i atri cronisć oresson tó l'ocajiun da i dí n gran dilan por la pasciun y la lezitënza cun chëres che ai porta fora chësc sorvisc de documentaziun tan importanta.

Liéde do deplü tl "Ciantun dla Uniun Ladins Val Badia" tla edizun atuala de La Usc di Ladins!