Passa 30 agn "maester dal laur"

Data

15 de setember 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Ciamena dl comerz a Balsan á organisé inier por le 6. iade la Festa di Maestri dal Laur (móastri)
Tl NOI Techpark â invié le presidënt dla Ciamena dl comerz Michl Ebner. Nü móastri y móastres á podü pié do – de porsona – na onoranza importanza por 30 agn y passa de titul y ativité. Danter chisc él ince le zumpradú Oswald Erardi dal Maró.

Michl Ebner á alzé fora l’importanza dles firmes che vëgn menades da Maestri y Maestres dal Laur, ajache ares se desferenziëia por grandëza, profescionalité y scoraziun di apriendisć/lerneri. I Maestri dal Laur á na assoziaziun y n presidënt, Peter Mayrl, vizepresidënta é Ester Brunini, Mayrl: "L’assoziaziun provinziala di Maestri dl Laur, che é gnüda metüda sö dan set agn y cumpëda plü co 500 mëmbri, se dá da fá por ti dé visibilité y sostegní i valurs di Maestri y dles Maestres."

Tl 2017 s’á l’Album di Maestri dal Laur insedié pro la Ciamena dl comerz y da iló incá á l’Assoziaziun provinziala di Maestri dal Laur ciafé na sënta ofiziala y n punt de referimënt ütl por i artejans instësc y ince por la colaboraziun che chisc á dal pröm dé incá cun n gröm d’atri seturs. Chësc á splighé le presidënt dl‘Apa (Artejans provinziai) Martin Haller y le secretér general dla Ciamena de comerz Alfred Aberer.

En chësc de a Balsan á ince le Maester diplomé Thomas Schrott tigní n referat söl tema dla formaziun y dles ativités cuotidianes di artejans che se spezialisëia inant cina a arjunje le diplom da Maestri dal Laur.

Les onoranzes por i passa 30 agn de ativité da Maester dal Laur á podü pié do de porsona Josef Blasbichler, Oswald Erardi, Walter Höller, Hansjörg Kerschbaumer, Andreas Köhne, Walther Mayrl, Hugo Michaeler, Tommaso Olivotto y Thomas Tecini. D’atri á ciafé, y resp. ciafará ciamó, te n secundo momënt l’onorifiziënza: Markus Abfalterer, Leo Höllrigl, Bernhard Riedl, Rudolf Stecher, Christof Steinkasserer, Hermann Thaler, Friedrich Unterkalmsteiner y Bernhard Weiss.  (Iaco Rigo)