La Usc di Ladins

Tres deplü jogn proa fora da soghé a golf, ci che ne gnô cina dan da n valgügn agn nia tan fat. Le golf é n sport che damana tröpa conzentraziun y na bona tecnica. La grup di jogn da Calfosch-Corvara s’á insciö ponsé, tratan n ann particolar, da dé la poscibilté da porvé fora chësc sport cun na formula de jüch che ti impormët ince a chi che n’á mai soghé a golf da tó pert a süa prüma "Golf Cup".
La formula chirida fora é chëra de na gara a pers, olache 1 sá da soghé a golf y 1 ne sá nia. Chël che sá da soghé a golf pó trá, cina che an röia sön le green, y spo canche ara vëgn da tó ca le putt soga le neofita dl golf inant. La destanza dala büja n’é nia plü tröpa, al ti assomëia al jüch dl minigolf, mo tl medem momënt ciafa para le sogadú nü ci che an sint te n post tan unich sciöche sön le ciamp da golf Tranüs, cun les Dolomites che fej da cornisc. A chësta pröma ediziun él sté bëgn 18 sogadus che á fat para.

Liéde do deplü tla ediziun stampada atuala de La Usc di Ladins!