La Usc di Ladins

La sanité é le maiú bëgn che i ún. Gonot nes anadunse de chësc, canche al se lascia adintëne cun mai, malérs, maraties y soferënzes. Datrai sintiunse ince tan che i sofriun sce les porsones dlungia nos ne god nia de bona sanité. Ci che cunta é la conescënza de ci che se fej bun y manco bun, y la prevenziun tl bëgnester psicosomatich pó nes sconé tröp da descuilibri, maraties y dolurs.

I ún orü tó sö contat cun Gustl Kaneider che coordinëia les Edemes dla sanité 

La Usc di Ladins: Gustl, i orëis tigní inant la tradiziun dles Edemes dla sanité te Mareo. Ince en chësc ann che al é plü ri, o tan deplü ciodí che i odun ite te chësta pandemia dl coronavirus che la sanité é n gran bëgn y che i désson ciaré lapró?
August Kaneider: "Dal 2019 unse organisé les Edemes dla sanité a livel de comun. Ince en chësc ann s’unse spo abiné y ún fat fora da porvé impó da les mëte da jí. En chësc ann édl dessigü n ann particolar dantadöt por le virus, mo i orôn dé n segnal, ciodí che ara nen vá pö de sanité."

Ëise ponsé a n tema general en chësc ann?
"I ún tres ciaré da mëte en pe na linia de referac sön temesc desvalis, a na manira che vignun ciafas val’ che podess t’interessé. En chësc ann édl le pröm iade söl program deplü referac che se somëia n pü’ tl contignü."

Liéde do deplü tla ediziun dl foliet stampada!