En vëndres ai 9 d’otober dales 17:00 röia adöm le Consëi nü dl Comun de Mareo. Bele al pröm punt dl ordinn dl de él söl program na sostituziun, plü avisa chëra dl Ombolt da denant Albert Palfrader, che á cun 714 usc injomé la conferma da pröm zitadin por ma 18 usc. Al á insciö tut la dezijiun da se trá zoruch daldöt dal Consëi. Ël é sté ombolt de Mareo por indöt 4 legislatöres. Insciö gnarál do le te Consëi le pröm aconsiadú nia lité dla lista "Al Plan": Klaus Mutschlechner, che á ciafé 120 usc.
Do la sostituziun jarára inant cun la ejaminaziun y confermaziun dles condiziuns de candidabilité y litabilité dl Ombolt nü Felix Ploner y di aconsiadus, por passé spo al joramënt da pert dl ombolt. Interessanta gnarára al punt dedó, olache Ploner presentará süa proposta por la Junta nöia, denanche mëte dant so documënt programatich. (pablo)
Palfrader lascia
Albert Palfrader, che é sté 4 legislatöres ombolt de Mareo y á injomé la conferma por 18 usc, ne stá nia plü te Consëi de Comun.
Galaria retrac
View the embedded image gallery online at:
https://www.lausc.it/valedes-ladines/val-badia/13666-palfrader-lascia#sigProIdb1932d1f6e
https://www.lausc.it/valedes-ladines/val-badia/13666-palfrader-lascia#sigProIdb1932d1f6e