La scuadra de Giorgio

Data

09 de otober 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Insnöt á ince le Comun da San Martin de Tor ciafé la Junta nöia por i 5 agn che vëgn. Ara respidlëia l’interes lité dles 3 fraziuns y la colaboraziun reziproca
La sentada por mëte la Junta de comun nöia tl Comun da San Martin de Tor é gnüda daurida dal aconsiadú manco jonn do eté Davide Erlacher.

An pó dí che al é sté na indunada y reuniun lesiera, zënza discusciuns y problems, tl respet dles listes y rapresentanzes di paisc y di sesc.

Ala fin á la proposta de junta dl Ombolt Giorgio Costabiei pié do dötes les usc, chësc é n bun sëgn por pié ia y jí inant tl sëgn dl dialogh y dla colaboraziun.

La Junta dl Comun da San Martin é metüda adöm insciö:

Giorgio Costabiei – Ombolt
Felix Graffonara (San Martin)
Gustav Mischi (Lungiarü)
Armin Forer (Antermëia
Martina Verginer (San Martin), che piará ia desco assessuria tla legislatöra nöia, mo ti passará so assessorat te 2 agn y 1/2 a Sara Clara (Lungiarü) che é gnüda litada ai 20 y 21 de setëmber 2020 por le pröm iade te consëi de comun.

Deplü söla sentada a San Martin de Tor podëise lí do tla ediziun stampada de La Usc di Ladins te otedé!


 (Iaco Rigo)