La Usc di Ladins

La Junta provinziala de Südtirol á fat fora incö regoles plü rigoroses, deache i numeri de infetá crësc cotan.

Desdites y proibiziuns

Al vëgn desdit i marciá da Nadé tradizionai tles cités.
Les festes y zelebraziuns de liturgia de Gnissant vëgn limitades a 30 porsones, les fosses pó gní vijitades dales porsones ma plü te de pici grups por schivé amudlamënc.
I Ombolc ciafa la competënza – sciöche bele anunzié dal Premier Conte – da dé fora ordinanzes plü strëntes sön so teritore co chëres dles Ordinanzes Varëntes.
Le Sport Amatorial vëgn archité, insciö ince les partides dl palé amatorial. Inant vá le sport profescionistich sciöche le hockey y le palé dles series C, B y A, y chël internazional.
I Cors de dlijia y les Musighes pó porvé inant te local, mo cun les regoles dades dant y ma plü te grups de al plü 15 porsones.
Les scores altes á da pité la poscibilité de leziun a destanza tla mosöra dl 30%. Ince les dites dess preodëi por i colaboradus homeoffice, smartworking y conferënzes/reuniuns video y audio.
Por les ostaries y i bars vélel inant les regoles dades fora chisc dis, le numer de ghesć por i restoranc dess gní taché fora sön na tofla al’entrada.  (Iaco Rigo)