La Usc di Ladins

Ai 5 d’otober él sté a Corvara le psicologh dr. Edmund Senoner, che laora a Bad Bachgart, che á tigní n referat dal titul "Na vita sana zënza problems de dependënza". Le tema á descedé gran interes da pert dla jënt che á tut pert. Vigni porsona á so stil de vita, na identité che la caraterisëia. Y le stil de vita pó gní influenzé da tröpes cosses, nia dagnora positives, p.ej. la maladoranza de medejines, di media y dl smartphone – che nes deura le monn tla man, le consum de sostanzes sciöche föm, alcol y droghes, problems alimentars y i.i..

Le Club Boé se abina indó
Alcol, droga, de gran crusc o delujiuns pó segné la vita de na porsona. Le Club Boé se abina indó vigni mertesc dales 20:00 tla ciasa di stödafüch a La Ila, ti pitan aiüt a porsones y families en dificolté. Tl Club él porsones che ascuta sö cun paziënza y proa da daidé cun la vijinanza y consëis. Por chi che á problems y chir aiüt él dagnora la poscibilité da tó sö contat cun Angelo (338 5975817) o Hubert (339 1698343). (L.Z.)

Deplü ciafëise t’La Usc di Ladins di 23 d’otober  (L.Z.)