Löm vërda por les scores mesanes, botëghes, marcés, frisers y zëntri de belëza

Data

27 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tla ordinanza nöia dl pres. Kompatscher por arferé les infeziuns de coronavirus restel inant la limitaziun da rodé ma tl comun de residënza, aldefora de iadi por nezescités (p.ej. laur y sanité) y sorvisc (p.ej. cumpré ite articui y produc che ne vëgn nia venüs tl comun olache an abitëia). I raiuns dai schi mëss aspeté inant a de bones notizies por na daurida – almanco parziala
La pres. Arno Kompatscher á anunzié la carada dl valur Rt te Südtirol (le numer stá por l’efiziënza de reproduziiun dl virus y por le numer de porsones a chëres che 1 infeté/ada pó ti taché inant le virus) che é important por odëi tan debota che le virus se taca inant.
Le valur "Rt" al momënt te Südtirol é tlermënter sot a "1" – á dit incö le pres. Kompatscher.

30 de novëmber 2020
Tröc eserziënc á vëia da daurí indó y podará le fá en lönesc – do zirca 1 mëis de stlüta: botëghes de vigni sort de articui (cuaji dötes !), marcés, frisers, zëntri de belëza... Lapró vëgnel ince daurí dötes les classes dla scora mesana.

4 de dezëmber 2020
Sce le svilup y la tendënza dles infeziuns vá inant sciöche preodü, sará Südtirol dai 4 de dezëmber inant "raiun ghel" (nia plö raiun cöce !). Chësc dará la poscibilité da daurí restoranc, ostaries y bars – mo ma cina les 18:00 cun presënza de ghesć y chisc sentá pro mësa. Plü di podará les ostaries cujiné por asporté i pasć.
Ince i hotí y les ciases de sojornanza podará daurí ai 4 de dezëmber 2020.

L’autodetlaraziun resta inant
Ince por l’edema che vëgn desson se tó para, canche an lascia la ciasa, la autodetlaraziun preodüda dal Decret statal anti Covid–19 che contëgn les motivaziun de iade. La autodetlaraziun te Südtirol tomará te otedé (ai 3 de dezëmber !), por les ativités y i iadi ia por le de, por de nöt restera inant – á dit incö le pres. Kompatscher.

Löm "cöcena" inant
Degöna daurida n’él al momënt preodü por les scores altes (ma leziuns a destanza !), la cultura y les uniuns, les manifestaziuns, i stüdi de fitness, la vita de nöt... Ince i raiuns dai schi romagn inant stlüc.

I lifc
Kompatscher á cunté incö dl laur de coordinamënt (danter les regiuns alpines dla Talia) por daurí le setur y i raiuns dai schi. Al pröm post stál la segurëza dles porsones. Preodü él al momënt ma tl Decret statal che les scuadres y i atlec a livel internazional pó anuzé lifc y pistes por sü alenamënc y tles gares internazionales.


 (Iaco Rigo)