Les restriziuns "Covid" ne pormët nia da tigní sentades en presënza, porchël é ince i Consëis de Comun sforzá da s’incunté online, te sentades a destanza. Le pröm tla Val Badia é sté le Consëi Comunal de Mareo, che á tigní la sentada sön "Teams" en vëndres passé. Na bela novité che l’Ombolt Felix Ploner á porté ite, é che la sentada é gnüda tuta sö y spo metüda a desposiziun ince te internet, olache an pó dötaorela ti ciaré. Tla sentada án ince fistidié da arjigné ca y proieté döta la documentaziun, ci che é por aconsiadus y ince spetadus na sauridanza da capí avisa i punc. Döt adöm na bela sbürla devers la trasparënza por i zitadins.
Passa 20 ê i punc al ordin dl de: danter chisc él gnü aprové al’unanimité le documënt programatich dl Ombolt, al é gnü nominé na sfilza de rapresentanc y de comisciuns, al é gnü tut plü dezijiuns dal carater urbanistich. La discusciun s’á fat plü via suradöt sön le punt olache ara nen jô de na mudaziun al plann urbanistich, che rapresentëia n vare inant por realisé n garasc sot tera ite, bel tl zënter d’Al Plan.
Ci che al é gnü dit en chësc cunt y ci che al é gnü fat fora, podëise lí plü avisa t’La Usc di Ladins di 4 de dezëmber. (pablo)
Mareo: discusciun por le garasc
Le Consëi Comunal de Mareo é rové adöm online, y á dé n bel ejëmpl de trasparënza. Discusciun por la realisaziun de n garasc tl zënter d’Al Plan
Galaria retrac
View the embedded image gallery online at:
https://www.lausc.it/valedes-ladines/val-badia/14120-mareo-discusciun-por-le-garasc#sigProId4e8e94c4bf
https://www.lausc.it/valedes-ladines/val-badia/14120-mareo-discusciun-por-le-garasc#sigProId4e8e94c4bf