»Unité y dialogh por ciaré inant al dagní«

Data

02 de dezember 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L'assemblea generala é ince stada l'ocajiun por presenté ofizialmënter le diretur nü dl'ATAB, Max Nagler
Tl'assemblea dl'ATAB él ince gnü tut l'ocajiun por presenté le diretur nü, Max Nagler, jonn da La Val de 31 agn, che á metü man da lauré ai pröms de novëmber. Max á scomencé chësta süa aventöra nöia te n momënt dër particolar, n momënt de tëmes y malsegurëza. Mo ël á scomencé cun gran entusiasm y s'á metü dant trëi punc.  Le pröm punt é l'unité y cun l'agregaziun dles trëi assoziziuns turistiches de Corvara, Badia y La Val él bele gnü fat n gran vare de chësc vers. Le dialogh é le secundo punt che Max Nagler se mët dant sön so tru profescional: »Iö sun dër davert al dialogh, sides positif co negatif, l'important é che al sides costrutif por podëi lauré deboriada y ciaré inant al dagní«, á dit le diretur che se tol dant sciöche terzo punt propi chël de ciaré inant, de oje plata, cun obietifs concrec. Ince sce te chësc momënt tan particolar n'él nia saurí da lauré dl vers dl dagní, messunse ciaré inant y ponsé ince a alternatives. Döt cant depënn sëgn da Roma, i ne savun nia sce y can che i lifc y i hotí podará daurí, porchël messunse lauré ponsan ince a na sajun atramënter, lauran düc deboriada«, á stlüt jö Nagler. I ti ún fat na intervista plü lungia al diretur, che i podarëis lí tla ediziun d'La Usc che gnará fora ai 11 de dezëmber.  (kp)