La Usc di Ladins

L’Ispetorat Forestal da Bornech fistidiëia vigni ann che al vëgnes fat ince te nüsc raiuns de bi trus y de beles sëmenes, cuncé fora ci che é roviné, romené demez lignan olache an ne pó nia passé, fá sis por pastöra, taié fora barantli y tan d’ater. Por fá chësc se sorvëscel ince de n bel team de lauranc arjigná y cun le dër förtl, che vá dai pröms de ma cina ala fin d’otober olache an i adora. Do ch’i ti un scrit dan val’ edemes sön la situaziun tl’alta Val Badia, ti ciarunse sëgn plü avisa ai comuns de Mareo, San Martin y La Val, olache al é n team de 8 lauranc, cun a ce Daniele Clara d’Al Plan. Ël é bele 12 agn lapró, y nes á cunté val’ deplü.

La intervista podëise lí t’La Usc di Ladins di 4 de dezëmber, olache Daniele nes cunta di laurs plü importanc y ince ci che al n’é dl tru de Ciastlins te Mareo, desfat de messé da na gran roa.  (pablo)