La Usc di Ladins

Cun dötes les groaries che le Covid á porté ince tla dlijia, mësson dí che dal punt d’odüda tecnologich ti ál dé na bela sbürla a nostes ploanies, sforzan da fá vari che sará dër dessigü d’öga ince tl dagní, canche le virus sará ma plü na recordanza. Do che la Ploania de Badia á "spaché la dlacia" trasmeton ince te internet les funziuns dl’Edema Santa y da Pasca, él sté daimproía d’atres ploanies che s’á studié soluziuns alternatives, sciöche Al Plan por la Mëssa Noela, o Rina cun le streaming dla gran mëssa da Gnissant incá. Dala Pröma Domënia d’Advënt inant él gnü a s’l dé na bela novité ince te Ciasa de Palsa da San Martin, olache al é gnü trasmetü la gran mëssa en direta dala dlijia da La Val. 

T’La Usc di Ladins ciafëise deplü sön chësta iniziativa y sön süa importanza. I nen un baié cun la colaboradëssa Denise Palla, che fistidiëia de chësc vers.  (pablo)