Lungiarü: chiosch vardü jö, intervënt a -16°C

Data

27 de dezember 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Füch y dlacia a Lungiarü, pro n medefüch rot fora tla nöt danter la sabeda y la domënia
Intervënt tla nöt por i Stödafüch da Lungiarü y chi da San Martin de Tor, che á messü fora la domënia ala 1:14 por jí a destodé n medefüch pro la raitadoia a Lungiarü. Iló á metü man da verde n chiosch de lëgn, che é spo baldi ince vardü jö daldöt. Canche i stödafüch é rová söl post, ê la frabica de lëgn bele en flames, cunta le comandant da Lungiarü Roman Clara. Sön le post á i omi albü da sćiampí de un n vers cun la nöt plü frëida de chësc invern y temperatöres de -16°C, che á ince lascé dlacé pro na sprinza. De l’ater vers á le gran pëis dla nëi lascé tomé adöm le tët che â la strotöra bele indeblida. Le comandant Clara cunta inant: "Le gran dl medefüch é tosc sté sot a control, mo dedó él gracé adöm le tët y le füch coâ inant sot ite". Insciö á i stödafüch messü se fá lerch y cina che l’intervënt é sté stlüt jö êl do les 6 da doman. Sön le post él ince rové i Carabiniers por les inrescides, sciöche ince i stödafüch da Bornech cun bomboles por i respiradus.  (pablo)