La Usc di Ladins

Sciöche al ê bele gnü dit danfora dal sorvisc meteorologich dla Provinzia de Balsan, é Südtirol te chësc lönesc atoché da na ona de rî tëmp, che porta nëi cina ales basses. Cun les temperatöres de val’ gre sot a nul taca la nëi ince sön strada, ci che porta ince a groaries por la viabilité. Insciö a San Martin de Tor, olache i Stödafüch dl paisc é gnüs cherdá defata do les 11 danmisdé. N gran camion cun targa polaca, che orô rové cina a Lungiarü, é taché tla pröma óta do punt da San Martin y ne rovâ nia plü inant. I Stödafüch á fistidié da taché ite le gran meso y cun le sostëgn di Carabiniers l’án fat zoruché jö por le parché tla plaza dlungia ciamp dal sport. Sön le post ince le Sorvisc Strades dla Provinzia, che á fistidié da romené la strada por podëi dedó indô lascé rogore la viabilité.  (pablo)