La Usc di Ladins

Tles ultimes edemes n’él tres deplü che cunta da avëi ciafé mails cun alegac che pó fá dann al computer. Ares vëgn adalerch a inom de contac che i conesciun: compagns, jënt che i un albü da fá en via telematica por na rajun o por l’atra. Tles mails trapolones vëgnel dé dant n "password archivio" y n alegat cun format .zip, lapró la mail de nosc contat y gonot ince le test de na mail che i un bele ciafé dan da dî. Chësta é la tënora, deache les mails pó ince ester scrites por ladin y insciö dé la impresciun che al sides valch che nes reverda davëi. Le dann vëgn fat sce an deura l’alegat. Porchël é düc canc inviá da tigní i edli daverc y mëte averda a ci che röia te nosta cassëta dla posta digitala. I trapoluns vëgn tres plü furbi.  (pablo)