La Usc di Ladins

Jí a fá i Trëi Resc é na tradiziun liada al tëmp da Nadé, ara stlüj zacó jö n tëmp de pesc y chit. Al crësc bele i dis plan plan, y la stëra dla noela che ê jüda sö stá ince por n tëmp dl ann nü y n renovamënt dla porsona. La vijita di Trëi Resc é bëgnodüda tles ciases y porta fortüna, ince tres na spënora che an ti fej ala jënt che á debojëgn!

En chësc ann ne jará i Trëi Resc nia te vigni vila y paisc, a gauja dles restriziuns messará val’ paisc aspeté a n ater ann. Les spënores por i proiec umanitars dla Diozeja vëgn coiüdes adöm te n’atra manira (les informaziuns aladó é da ciafé söles Plates dla Cöra/Ploania)!  (Iaco Rigo)