Na mostra da odëi tl chit

Data

20 de jené 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
»La cherdada dla natöra« é le titul dla mostra de chedri de Lois Irsara inaugurada ai 28 de dezëmber tla botëga Sport Kostner a Corvara. L'inauguraziun án podü odëi en streaming. I chedri é gnüs mostrá y acompagná dales parores de Francesco Ricci y dales melodies de »Die Ladiner«
Te n momënt olache la pandemia á stlüt sö döt cant s'á la Fondaziun Lois Irsara ponsé da organisé valch de bel. »Sce döt cant é stlüt, porvunse da nes daurí a nos instësc, a nos sciöche comunité«, dij Lisa Kostner che é coordinadëssa dla Fondaziun da dui agn incá. L'idea da fá na mostra cun i chedri de Lois Irsara ê bele nasciüda de novëmber. Adöm cun la familia Costa dl Hotel La Perla da Corvara ti án dé vita a n calënder d'Advënt cun i chedri dl artist ladin. Sön la plata internet dl Hotel gnôl vigni de descurí n cheder nü, acompagné da n pinsier scrit da Francesco Ricci. Chësta mostra "virtuala" é spo gnüda reala ai 28 de novëmber, canche ara é gnüda inaugurada tla botëga da Hannes Kostner a Corvara. L'inauguraziun án podü odëi en streaming y an pó ciamó ti ciaré a chësc link https://fb.watch/36ocp5qvYN/.

Deplü sön la mostra podëise lí en vëndres tla ediziun stampada d'La Usc di Ladins.   (kp)