Le "Dolomiti Superski" á mené fora incö n comunicat stampa che reverda la situaziun dla stlüta di implanc portamunt y la previjiun a na daurida probabla cun le de 15 de forá 2021.
Te chësc comunicat lion che "le Dolomiti Superski" s’á tresfora dé da fá, adöm ai atri operadus dl setur, por cherié les mius precondiziuns otes ala garanzia dl aviamënt y dla desfirada dla sajun turistica invernala tla maiú segurëza poscibla. I implantisć é tresfora stá arjigná a na daurida, ai pröms de dezëmber, spo ai 7 de jená y ince ai 18 de jená. I ún colaboré sot cun les autorités y le Comité Tecnich Scientifich a n sistem de regoles, meton dagnora danfora la segurëza di schiadus y colaboradus. L’aprovaziun INCÖ da pert dl Comité Tecnich Scinetifich (CTS) dl protocol de funzionamënt di lifc, y la validaziun dl medemo da pert dla Conferënza dles Regiuns, é n vare dër important che consint da dé segurté por la programaziun dla sajun y da odëi na löm forainsom le tunel – dij Marco Pappalardo, diretur marketing dl DS.
(Iaco Rigo)
Aprové le "protocol de segurëza"
L Comité Tecnich Scientifich y les Regiuns á dé "löm vërda". Le "Dolomiti Superski" s’arjigna da daurí ai 15 de forá 2021
Galaria retrac
View the embedded image gallery online at:
https://www.lausc.it/valedes-ladines/val-badia/14614-aprove-le-protocol-de-segureza#sigProId15dcf2f37b
https://www.lausc.it/valedes-ladines/val-badia/14614-aprove-le-protocol-de-segureza#sigProId15dcf2f37b