Plü co ma n sëgn: la bandira

Data

20 de fauré 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La bandira é da dagnora incá n sëgn de unité y ince de identité
La storia dles bandires mët man bele adora: incër 4 mile agn dan Gejú Crist ciafon i antenac dles bandires, sce an po ti dí insciö. Tl pröm ciamó sön brëies o coran o plates de metal, sëgns de apartenënza a clans, families, grups de porsones y armades. Aldedaincö á la bandira deplü significac, desco p. ej. l’ester pert de en grup, musical, di scizeri, di stödafüch, n grup sportif y i.i.. La bandira che vëgn portada danfora dal portabandira é da dagnora incá le punt de referimënt dla uniun. Podëi porté la bandira de na uniun é porchël n compit de gran valur y onur. La bandira é dantadöt n sëgn de apartenënza culturala.
La bandira mostra che an fej pert de na comunité, unida, tla cultura, tles tradiziuns, ti valurs y tl lingaz (tl caje dla bandira de Tirol o Südtirol o ince la bandira ladina). Cun le taché fora la bandira pla abitaziun, sön plazes o ciampanis ti mostrunse ai atri che al é n de particolar, che pó ester de festa, mo ince de plüra (tl secundo caje vëgnel taché pormez na peza foscia).
Ara mostra che nosta cultura é intreciada cun nosta religiun cristiana y che le liam danter tradiziun y religiun ne vá nia da despartí (la tradiziun da jí en Jeunn, p.ej.)

Deplü sön les bandires y süa storia, y can che an les taca fora, nes dij le comandant di Scizeri d’La Pli Michael Ploner t’La Usc di Ladins di 19 de forá