La Usc di Ladins

Cun chësc "corona" benedët é mefo gnü döt n pice pü’ plü compliché. Insciö ince tla Scora de Musiga, che á messü s’adaté ales regoles por l’insegnamënt. Al n’é indere tres indô de chi che fej fora de n andicap na virtú. Insciö ince la Scora de Musiga Val Badia, che á albü la idea da presenté te n video la maiú pert di stromënc che vëgn insigná. Al é les maestres y i maestri instësc che lascia impröma aldí na cercia de so förtl sön i stromënc desvalis, por dé spo na spligaziun plü avisa de sües particolarités. Garaté él n video original y plajor da ciaré, che öga dër por podëi se fá na idea plü tlera.
Chësc cis te chësc momënt, olache al vëgn tut sö les iscriziuns nöies por l’ann musical 2021/22.  I formulars ciafon sot a www.musikschule.it sot ala Scora de Musiga Val Badia. Informaziuns plü menüdes ciafon al numer 0471 847748.
Chi che ó ti ciaré al video, pó le fá sön le canal Youtube dla Scora de Musiga. Chësc é le link: https://youtube.com/channel/UCo0cSZ1jchj4ydNhF56dApA
 (pablo)