Val Badia

media/k2/galleries/13749/thumbs/ispetur_elmar.jpg
14 de otober 2020

Ispetur Elmar Irsara

Elmar Irsara de Badia é gnü reconfermé te süa inciaria da ispetur di stödafüch tl distret dla Bassa Val de Puster.
Le distret di stödafüch dla Bassa Val de Puster cumpëda bëgn 48 corps de stödafüch volontars – da Calfosch cina Prettau, da Percha cina Vandoies. Chisc é partis sö te 8 sotraiuns. Le 2020 é sté ann de lítes tl distret, olache an á nominé le diretif por i proscims 5 agn. An á tigní sön la continuité, deache presidënt resta inant Reinhard Kammerer, le vize é inant Raimund Eppacher y l’ispetur dl distret resta inant n ladin – Elmar Irsara de Badia. Por ci che reverda i ispeturs ...
media/k2/galleries/13730/thumbs/20201006_120247.jpg
12 de otober 2020

"La Usc di Ladins" a La Ila

Da sëgn inant é l’ofize tla Ciasa de cultura davert dal lönesc al mercui
La colaboradëssa Katia Pizzinini á metü man cun i pröms d’otober l’inciaria de redadëssa dl foliet ladin tl ofize a La Ila. Sü contac é:
katia@lausc.it tel. 0471 839800. L’ofize, che é da ciafé tla pröma alzada tla Ciasa de cultura a La Ila, é davert i pröms dis dl’edema: en lönesc y mertesc dales 9:00 ales 12:00 y dales 14:00 ales 17:00, y en mercui dales 9:00 ales 12:00.

Söl retrat: Katia Pizzinini tl ofize d’La Usc di Ladins a La Ila.
media/k2/galleries/13728/thumbs/iarina.jpg
11 de otober 2020

Iarina fej l’ü te dlijia

En sabeda ai 3 d’otober é pici y gragn da Corvara y Pescosta rová te dlijia por festejé y rengrazié dla creaziun. La funziun é gnüda arichida da na coriosité
La sabeda ai 3 de otober s’á les families incunté por le dé dla custodia dla creaziun. Le bur’ tëmp cun vënt y plöia n’á nia sprigoré la gran cumpëda de mituns y mitans cun sü geniturs, che á tut sö l’invit de Siur Andreas da gní a rengrazié deboriada por les belëzes y les scincundes de nosta tera. Dan alté él gnü porté plantes y ciüfs, ordöra y verzöra, mo ince tiers sciöche n cian, n iat y finamai na iarina, che ne s’á nia lascé petlé bëgn dî denanco fá n bel ü! Tla funziun, che é gnüda ...
media/k2/galleries/13727/thumbs/junta-sanmartinjpg.jpg
09 de otober 2020

La scuadra de Giorgio

Insnöt á ince le Comun da San Martin de Tor ciafé la Junta nöia por i 5 agn che vëgn. Ara respidlëia l’interes lité dles 3 fraziuns y la colaboraziun reziproca
La sentada por mëte la Junta de comun nöia tl Comun da San Martin de Tor é gnüda daurida dal aconsiadú manco jonn do eté Davide Erlacher.

An pó dí che al é sté na indunada y reuniun lesiera, zënza discusciuns y problems, tl respet dles listes y rapresentanzes di paisc y di sesc.

Ala fin á la proposta de junta dl Ombolt Giorgio Costabiei pié do dötes les usc, chësc é n bun sëgn por pié ia y jí inant tl sëgn dl dialogh y dla colaboraziun.

La Junta dl Comun da San Martin é metüda adöm insciö:

Giorgio ...
media/k2/galleries/13726/thumbs/junta_mareo.jpg
09 de otober 2020

Mareo á na Junta feter daldöt nöia

L’Ombolt de Mareo nü Felix Ploner á ciafé la crëta dla maioranza dl Consëi por süa proposta de Junta. Sentada trasmetüda ince en direta Facebook
Les lîtes de Comun á porté te Mareo n gran scassarot. Impröma a ce dl Comun, olache Felix Ploner da La Pli á arjunt le scagn da ombolt cun 18 usc deplü co l’ombolt da denant Albert Palfrader. Y spo él ince sté n scassarot te Consëi, olache al é bëgn 10 aconsiadus nüs respet ala ultima legislatöra. Chësc vëndres dales 17:00 é le Consëi nü rové adöm te palestra d’Al Plan por süa pröma sentada, olache al s’á ince abiné n gran publich a d’ascuté sö. La sentada é por le pröm iade ince gnüda ...
media/k2/galleries/13698/thumbs/maurizio0.jpg
08 de otober 2020

Da na ora a n fligher

I ostis Maurizio Trebo y Teodora Erlacher dl Hotel Al Plan á integré pasciun tla profesciun. So hotel é deventé ince n museum. Metü man ái cun na ora vedla y morins dal café. Rová ési a n fligher sön sorá.
Tla brosciüra sön i museums dl Südtirol nen vëgnel cumpedé sö al momënt 145, danter publics y privac. Ala numera 123 ciafon n museum che n’é forsc nia ciamó tan conesciü: al é le Museum Al Plan Dolomites, che i ostis Maurizio Trebo y Teodora Erlacher á arjigné ite tl Hotel Al Plan, ciasa che ai manajëia tla secunda generaziun. Chi che s’aspeta indere n salamënt plëgn de esponac, se fajará morvëia, deache te chësc caje se tratera de n hotel intier che é deventé museum. Rodunt por chësc adora i ...
media/k2/galleries/13697/thumbs/Bildschirmfoto_2020-10-08_um_09.15.33.jpg
08 de otober 2020

Le monn dles sozietés de capitai

Rubrica de Economia: Chësc mëis baiunse dles sozietés a responsabilité limitada (srl) sot le profil patrimonial, organisatif y de tassaziun
Les regoles de basa che reverda les srl é gnüdes portades dant cun decret bele tl ann 2003. Por orenté dl legislatur ê chësta reforma na cornisc de regoles che lascia dër tröpa lerch ala autonomia statutara. Chësta forma de sozieté dess podëi a chësta manira jí plö saurí adincuntra ai bojëgns di impresars y di seturs desvalis.

Carater destintif dles sozietés de capitai y insciö ince dles srl é l’autonomia patrimoniala perfeta. 

Liéde deplü tla ediziun stampada de La Usc di Ladins da indoman, ...
media/k2/galleries/13679/thumbs/IMG_5026.jpg
07 de otober 2020

Corvara á na Junta litada dala popolaziun

A Corvara é i mëmbri dla Junta i aconsiadus che á ciafé plü usc dales lites
Incö da doman s'á le consëi dl Comun da Corvara abiné por le juramënt dl ombolt y por mëte sö la junta. La proposta fata dal'ombolt da tó ite tla junta i aconsiadus plü litá dala popolaziun é gnüda aprovada al'unanimité dal consëi. Insciö fej pert dla junta dl
Comun da Corvara adöm cun l'ombolt Robert Rottonara, Patrick Agreiter, Stefan Costa, Stefano Pezzei y Silvia Kostner. Deplü sön la sentada podëise lí en vëndres tl'ediziun stampada dl foliet.

media/k2/galleries/13676/thumbs/consei_badia.jpg
06 de otober 2020

Badia á la Junta, la lista "Canins" resta defora

L’Ombolt de Badia Iaco Frenademetz ciafa bele al pröm bot la crëta por süa proposta de Junta, tres na coaliziun cun la lista "Deburiada" y la "Zivica Por Düc". Degun post por i aconsiadus dla lista "Manfred Canins"
Al ê gran aspetanza tl Comun de Badia por odëi sciöche l’Ombolt Iaco Frenademetz ess fat da mëte adöm la Junta por i proscims 5 agn. Chësc án ince odü dala tröpa jënt rovada en mertesc da doman tla Ciasa Runcher a d’ascuté sö. Frenademetz y süa "Lista Badia – La Ila – San Ciascian" á pro les lítes ma arjunt cater mandac y le 24,9% dles usc, tratan che la lista de so concorënt diret "Manfred Canins Ombolt" é rovada sön 7 mandac y le 37,2% dles usc. Inant án te Consëi la lista "Deburiada" cun 5 ...
media/k2/galleries/13674/thumbs/IMG-20200927-WA0000.jpg
06 de otober 2020

Ai é gnüs de munt

I famëis é arsis a val. Por la Munt de Senes éra garatada da gní cun la gherlanda
En San Matio vëgnai de munt – insciö díjon da vedlamënter incá te Mareo. En chësc ann án aldí les tlunches fora por les strades y i paisc deplü dis do San Matio, canche la pröma nëi ê bele arsida ti paschi söalalt y ince ite por la Val, olache i armënc aspetâ da gní pará o condüs a ciasa.
A Al Plan él gnü fat na picia festa nia ofiziala por la "desmuntada", adöm cun paurs y famëis.
La bela sajun é passada canche an alda les ciampaneles dai tiers che röia a ciasa, te deplü posć y sön lüsc ...
media/k2/galleries/13672/thumbs/junta_laval.jpg
05 de otober 2020

La Val á la Junta

Le Consëi de Comun á aprové cun 11 usc a öna y 4 decuntra la proposta de junta dl ombolt Angel Miribung
Chësc lönesc dales 8 da doman él rové adöm tl salf Dumëne Moling da La Val le Consëi nü dl Comun da La Val. L’Ombolt vedl y nü Angel Miribung á te chësta ocajiun presenté süa proposta de Junta, che resta feter la medema co tla ultima legislatöra y é metüda adöm insciö:

Angel Miribung - Ombolt
Felix Dapoz
Rita Moling
Felix Nagler
Hansi Rubatscher

La proposta de Junta á ciafé l’aprovaziun de 11 aconsiadus y aconsiadësses, tratan che 4 é stá decuntra.

Deplü podëise lí t’La Usc di Ladins di 9 d’otober
media/k2/galleries/13670/thumbs/lapli_ciasa-dal-mone.jpg
05 de otober 2020

Le paisc nia plü slocé

La ciasa cun le local nü dla Musiga d’La Pli de Mareo y i salfs dla Jonëza á ciafé le mantel
Do che la Ciasa dal Mone tl zënter d’La Pli ê gnüda trata jö – por rajuns de segurté publica – ai 4 de dezëmber 2000, ciarâ fora le paisc ciaran da Curt y Plazores ca desco na bocia zënza n dënt amez. Chësta parüda slociada á sëgn naota na fin, almanco esteticamënter ciara fora le paisc miú.
I laurs por realisé la ciasa nöia vá inant y ciamó dan l’invern podess la ciasa ti gní surandada ales döes uniuns de paisc, por che chëstes aredëies spo aladó dla funziiun y dl debojëgn sü local.
Le ...
media/k2/galleries/13666/thumbs/albert.jpg
03 de otober 2020

Palfrader lascia

Albert Palfrader, che é sté 4 legislatöres ombolt de Mareo y á injomé la conferma por 18 usc, ne stá nia plü te Consëi de Comun.
...
media/k2/galleries/13665/thumbs/sss.jpg
01 de otober 2020

Fotografies di mituns söi socials: prighi y problems

Tröpes porsones mët les fotografies di mituns sön internet zënza ponsé ales conseguënzes 
Canche al vëgn metü fotografies de d’atres porsones te internet o publicades de val’ vers, spo mësson dagnora tigní cunt che vignun á le dërt che al vëgnes stravardé so retrat. La lege 633/1941 dá dant che an ne pó nia publiché le retrat de na porsona zënza so consëns, ater co ti caji olache la publicaziun é iustificada dla notorieté de chësta porsona o dla funziun publica che ara á. Insciö pón ince publiché le retrat de zacai por motifs de iustizia o polizia, por finalités scientifiches, ...
media/k2/galleries/13644/thumbs/Bildschirmfoto_2020-09-30_um_16.25.35.jpg
30 de setember 2020

Les usc paisc por paisc

Tla ediziun da dodoman de La Usc di Ladins podarëise ciafé les usc y les preferënzes PAISC POR PAISC di candidac y dles candidates ales lites comunales
I comuns en cuestiun é Badia, Mareo y San Martin de Tor, por Corvara ne vára nia da partí sö söi dui paisc o söles trëi fraziuns, deache al é ma plü na seziun de lita sora.

Comun de Mareo
La ëra che á pié do le plü usc de preferënza é Katrin Ellecosta dla lista "Düc adöm", bëgn 175 indöt.
De chëstes é gnüdes 90 da La Pli, 77 d’Al Plan y 8 da Rina.

Ciaréde do dötes les preferënzes tla ediziun nöia y ince olache i candidac a ombolt á coiü le plü y ince le manco!
media/k2/galleries/13642/thumbs/comun_badia.jpg
30 de setember 2020

Propostes de Junta a Badia y Corvara

Prömes convocaziuns di consëis de Comun nüs. Ai 6 d’otober i tochera a Badia, ai 7 d’otober a Corvara
Do les lítes de Comun ai 20 y 21 de setëmber, vëgnel sëgn le tëmp dles prömes sentades costituëntes, cun les prömes propostes de Junta.

Comun de Badia
Le Consëi Comunal nü de Badia é le pröm che s’abina, plü avisa en mertesc ai 6 d’otober dales 9:00 da doman, tla Ciasa Runcher a Badia. Al ordin dl de sarál la confermaziun dl ombolt, la confermaziun di mëmbri dl Consëi y ince le joramënt da pert dl pröm zitadin. Iaco Frenademetz, confermé cun 866 usc - le 43,4%, presentará spo ince süa proposta de ...
media/k2/galleries/13623/thumbs/vidunderes.jpg
29 de setember 2020

"Adio ales rodunderes"

En chësc ann á ince les vidunderes albü n isté plü lunch, ares s’un é jorades demez do San Matio
Dan otedé, en mercui ai 23 de setëmber, êl n gran úmuis tles aries sura les viles y le paisc, an odô che les vidunderes s’abinâ cun gran nervosité ti rituai usuai por pié ia cuntra i raiuns plü cialdins y suravire l’invern. I dis do él depaca gnü la pröma nëi tles contrades a La Pli, bëgn ma na sfarinada, mo al á basté por porté la pröma gran bröma y la pröma dlaciada (dala sabeda ala domënia).
media/k2/galleries/13622/thumbs/senta_altabadia.jpg
29 de setember 2020

Max Nagler vëgn diretur dl ATAB

Tl’Alta Badia án cernü: le diretur nü dl’Assoziaziun Turistica sará Max Nagler da La Val
La conferma ofiziala da pert dl Consëi tomará ai pröms d’otober, mo la comunicaziun ai sozi é bele jüda fora. Le diretur nü dl’Assoziaziun Turistica Alta Badia sará Max Nagler da La Val, che laora atualmënter sciöche responsabl por le marketing y svilup tla dita "m2 railgroup". Nagler tolará insciö ite le post de Janpaul Bernardi, che â dé les dimisciuns da diretur iniann de messé.
Döt adöm él sté 14 candidates y candidac che á fat domanda por le post a ce dl’assoziaziun turistica badiota. Chisc ...
media/k2/galleries/13619/thumbs/golf_VB.jpg
28 de setember 2020

I campiuns sajonai é Christian y Renate

Cun le turnier sozial s’á stlüt jö la sajun da golf de chësc isté
Bele tl mëteman dl isté s’á le ciamp da golf Tranrüs presenté te condiziuns otimales por soghé, y le laur di colaboradus á garantí n bun ciamp fora por döta la sajun. Por stlü ia la sajun en belëza á le Golf Club Alta Badia ince en chësc ann metü a jí le Torné Sozial, en sabeda ai 19 de setëmber. Insciö á i golfisć dl post podü se mosoré danter ëi te ci che é gnü alené tratan l'isté.

I campiuns dl Golf Club Alta Badia por le 2020 é Christian Alton y Renate Pescosta.

Classifiches

Lordo – Campiuns ...
media/k2/galleries/13582/thumbs/edemes_sanite_2.jpg
27 de setember 2020

"I orun dé n segnal, ara nen vá de sanité"

Te Mareo él söl program da indoman inant referac y incuntades por les "Edemes dla sanité". Intervista al coordinadú dles serades che vëgn metüdes da jí en colaboraziun cun i trëi consëis de formaziun y la Crusc Blancia (seziun Mareo) Gustl Kaneider
La sanité é le maiú bëgn che i ún. Gonot nes anadunse de chësc, canche al se lascia adintëne cun mai, malérs, maraties y soferënzes. Datrai sintiunse ince tan che i sofriun sce les porsones dlungia nos ne god nia de bona sanité. Ci che cunta é la conescënza de ci che se fej bun y manco bun, y la prevenziun tl bëgnester psicosomatich pó nes sconé tröp da descuilibri, maraties y dolurs.

I ún orü tó sö contat cun Gustl Kaneider che coordinëia les Edemes dla sanité 

La Usc di Ladins: Gustl, i ...