CER l é l acronim de »Comunità energetica renovabola« e l é na agregazion de persones che produsc e consuma energia che vegn da fontènes renovaboles. L é l’ultim vèrech del prozes de transizion energetica envià via con fadia e che veit protagonisć i sentadins. Te la valèdes de la Veisc se dombra su na man la scomenzadives de chesta sort. Te Fiem l é stat metù su na pruma coprativa, la »Comunità Energetica Fiem« vidèda da la neva presidenta Valentina Vanzo. Te Fascia enveze l é stat la scola a se ativèr. Chiò l Consorzie Eletrich de Poza, ensema a dozenc e ensegnanc de la Scola Ladina e di Amisc de la scolina de Sèn Jan, à metù su la pruma comunità energetica. L obietif de la scomenzadiva, prejentà enstadì a Moena te na scontrèda endrezèda da l’Aministrazion de Comun e da la sezion del Cai Sat Grop da Mont, l é chel de utèr la logica de ades tel ciamp energetich.
De più su La Usc stampèda de en vender ai 26 de oril. (GB)
Comunità energetiches, l davegnir de nesc teritories
L Comun e l Grop da Mont de Moena à endrezà na scontrèda per rejonèr de la copratives che spartesc fora energia ai sentadins.
Galaria retrac
View the embedded image gallery online at:
https://www.lausc.it/valedes-ladines/fascia/27012-comunita-energetiches-l-davegnir-de-nesc-teritories#sigProIde892d14626
https://www.lausc.it/valedes-ladines/fascia/27012-comunita-energetiches-l-davegnir-de-nesc-teritories#sigProIde892d14626