Fascia

media/k2/galleries/7769/thumbs/Schermata_2018-07-19_alle_09.07.10.jpg
19 de messel 2018

Zacan duc madures!

De bie resultac a la Scola Ladina de Fascia, che ence per chest an sera via i ujes per l’istà. Vèlch ezelenza ence anter i studenc fascegn forin Fiem.
Baticher, tricola, gaissa e fosc ence mìngol de tema… n mix de emozions à caraterisà chisc ultimes tempes per i studenc de l’ultim an de scola auta, che se enjignèa a serèr sù n capitol de sia vita.

I é stac 76 i studenc di Licees Ladin di Lengac, Scientifich e Artistich de Fascia che se à dat jù per chest ejam emportant: passa n terz (28) de chisc bec e bezes é stac bogn de arjonjer na valutazion finèla anter 80 e 90/100, de 19 i à otegnù n resultat anter 60 e 70/100 e de 18 anter 70 e ...
media/k2/galleries/7756/thumbs/Schermata_2018-07-13_alle_08.57.46.jpg
19 de messel 2018

Legreza e solidarietà per la scolina

I Paicenadores da Vich à endrezà na bona marena, compagnèda da musega gustegola, per tirèr sù scioldi per la Scolina de Sèn Jan.
L’é passà 60 egn da canche la belota Scolina de Sen Jan é stata fata sù. N muie de nos se à mateà e à passà n toch de sia vita te anter chi parees. Ades, però, l’é besegn de meter a post chesta strutura, semper manco bona de ge dèr alberch te la miora maniera ai picoi bec de Sèn Jan.
Canche Alessandra Cloch, presidenta de la Scolina, à fat a saer chest gran besegn, l’é scomenzà na “garejèda de solidarietà”: n muie de sociazions o gropes à endrezà evenc per binèr ensema scioldi da destinèr a ...
media/k2/galleries/7732/thumbs/Schermata_2018-07-11_alle_10.00.37.jpg
18 de messel 2018

Giacomo Gabrielli produtor de na neva serie per chino

L’é tacà ite chisc dis passé la registrazions te Fascia e Fiem del nef lurier cinematografich del regist da Moena.
Fascia e si ciantons più sugestives é endò i protagonisć de na serie cinematografica. Les é tachèdes ite en sabeda ai 7 de messèl la registrazions de la neva “cine-serie” tel lengaz ingleis dal titol “Whitefall” del regist, scenegiator e produtor fascian Giacomo Gabrielli, patron de la Filmart da Moena. N projet esclusif e ambizious che anter si obietives l’à chel de fèr cognoscer i scenaries naturèi de Fascia e Fiem, no col classich documentèr ma con n’opera cinematografica de fantasìa.

...
media/k2/galleries/7731/thumbs/little_free_library_Ciampedel_ite.jpg
17 de messel 2018

Little Free Library: tol n liber e lascene un!

Na bela scomenzadiva con l’obietif de smaorèr l’amor per la letura, slarièr l sentiment de comunità e fèr sgalizèr la creatività de vigniun.
Che él la “Little free library"? L'é na vida de se scambièr libres, ge dajan l met a n muion de jent de ogne età e con ogne formazion de aer azess al maraveous mond de la letura. Na scomenzadiva zis enteressanta, nasciuda del 2009 ti USA de gra a n vedof, che per onorèr si femena l’à dezidù de dèr si libres adimprest. Chesta bela scomenzadiva se à slarià fora pian pian te desvalives lesc del mond, e ades la é stata metuda a jir ence a Ciampedel da chest istà, de gra a l’idea de Lucia ...
media/k2/galleries/7728/thumbs/Schermata_2018-07-11_alle_09.16.51.jpg
16 de messel 2018

Paroles e emozions con Bebe Vio e si compagnes!

A Cianacei te chino Marmolèda la Nazionala paralimpica de scherma à rejonà de sia esperienzes.
En ocajion del Gazzetta Summer Camp, Cianacei ge à dat cèsa a la Nazionala paralimpica de scherma. Per duc i bec del projet vidà dal sfoi resa l’é stat dassen na bela esperienza poder se confrontèr con persones tant fortes e che raprejenta l tricolor tel mond. Dò che te sala de consei del Comun en sabeda, se à tegnù l Consei federèl de la Nazionala de scherma e che per vèlch dì i atlec se à arcedà te nosc raion, en mèrtesc ai 10 de messèl da sera te chino Marmolèda, ence de gra al didament del ...
media/k2/galleries/7727/thumbs/Schermata_2018-07-11_alle_09.08.58.jpg
15 de messel 2018

La Marmolèda é de Fascia e del Trentin

L’Agenzìa del teritorie de Roma à stabelì l veie confin storich. Sodesfazion a Cianacei e te Fascia, ma la costion no é amò fenida, ajache l Venet no vel zeder. 
La costion di confins de la Marmolèda à ciapà enstadì na scassèda. L’é oramai 40 egn che i Comuns da una e da l’autra pèrt del giacé, Cianacei e La Rocia, se sbegotea per fissèr la linia de confin e ades somea che l’Agenzìa del teritorie de Roma aesse dedizù de meter zacan la parola fin. Enstadì defat l’à dat desposizion per na variazion del confin fajan passèr dut l giacé da la provinzia de Belun a chela de Trent. L mudament é stat stabelì aldò del decret presidenzièl sotescrit del 1982 da ...
media/k2/galleries/7726/thumbs/Schermata_2018-07-11_alle_08.52.40.jpg
14 de messel 2018

A Sèn Jan l’é mudà la viabilità

L Comun à endrezà na rodadoa sul crousdevìa con strada Neva e l diviet de utèr a cencia da strada de Sèn Jan. L’é na soluzion de studie en previjion de l’intervent de la Provinzia.
Con la fin del meis de jugn tel comun de Sèn Jan, sui crousdevìa anter l stradon de Fascia con strada Neva e con strada de Sèn Jan l’é stat metù en doura na neva viabilità

L’Aministrazion de Comun à aproà l’istituzion de na rodadoa con sens unich a dreta e direzion antioraria sul crousdevìa anter strada Dolomites (S.S. 48) e strada Neva (S.S. 241) belapontin olache la Provinzia de Trent à intenzion de fèr na rodadoa stabola. L projet definitif metù jù da l’enjegner Manuel Ghetta da Vich é stat ...
media/k2/galleries/7729/thumbs/Schermata_2018-07-11_alle_09.29.08.jpg
13 de messel 2018

Agajon de Moena: caujes e colpes

Aon rejonà col geologh da Moena Thomas Zanoner de la rejons che pel portèr a evenc de chesta sort e de che che fossa da fèr per i schivèr. 
A Moena pian pian dut se envìa endò envers la normalità. Ma coluna él la caujes che à portà a chesta agajon? Él evenc che no se pel perveder? Él ence colpa de l’om? E che se podessel fèr per schivèr che fac de chesta sort sozede amò?

Ge l’aon domanà a Thomas Zanoner, n joen da Moena che à gran competenza sun chisc temes, ajache l’é laureà en geologìa, l’à fat ence n dotorat e l colaborea amò con l’Università de Pèdua.

“Chel sozedù en martesc ai 3 de luio l’é stat de segur n event particolar, na ...
media/k2/galleries/7711/thumbs/Schermata_2018-07-06_alle_10.13.30.jpg
13 de messel 2018

Sant Andreu Jazz Band al Navalge con JMMJ!

L grop catalan rua per la pruma outa te la Tèlia: l sarà a Moena en domenia ai 15 da les 21.00.
Pruma assoluta te la Tèlia per l’orchestra di joegn “Sant Andreu Jazz Band” de Barcelona, reta dal maester Joan Chamorro. L conzert aur l nef event JMMJ “joegn, mendranzes e musega jazz” endrezà da la sociazion “La Grenz” tel chèder del Panorama Music.

Tel teater Navalge en domenia ai 15 de messèl da les 9 da sera pearà via na neva vijion de la musèga tel lengaz minoritèr; n panoram musical desferent dal solit, semper più feruscol e en evoluzion.

Chest l’é l soul event de dut l Panorama Music ...
media/k2/galleries/7730/thumbs/Schermata_2018-07-11_alle_09.38.41.jpg
12 de messel 2018

Moena: bilanz dò l'agajon

Dò na setemèna se fèsc la pruma stimes del dan. Ades ge vel meter en segureza l teritorie
L piec l’é encomai passà per l paìsc de Moena. I segnes de la gran agajon de en mèrtesc ai 3 de messèl no se i veit béleche più te paìsc, de gra al lurier de sacotenc volontadives che per 4 dis i à lurà dì e net per neteèr e lavèr demez la mauta. I é resté enveze tel cef de la jent che à vivù chi momenc e su la strutures olache ge é ruà daìte l’èga.

En vender ai 6 de messèl l minister Riccardo Fraccaro l’é ruà a Moena dessema al Comissarie del goern Pasquale Gioffrè e a la ...
media/k2/galleries/7702/thumbs/IMG-20180625-WA0004.jpg
10 de messel 2018

Super Maratona su l’Etna, che emozion!

Adele Pollam ne conta de sia esperienza sportiva e de vita sul Vulcan de la Sicilia: É tout part a la competizion spenta da la pascion per l sport, da l’amiciazia e da l’amor per recordar mie cariscim “cikolo”.
Canche con mie spezial Dino fajaane valch garejada fora da Fascia, l me dijea “cikola scrivi su La Usc di Ladins”. Coscita scrive de chesta mia esperienza no demò per la condivider coi letores e con mi compagnes de viac, ma ence per tegnir vif so recort.

Ence chesta uta nosc gran amich Carmine Tomio da Ciastel l’à endrezà l viac. L’a binà ensema n grop de 17 persone, con n muie de ele e de ic me aee troà te la Svezia per la Vasaloppet e la Vasastafetten, autres i era neves, ma l’é stat ...
media/k2/galleries/7694/thumbs/Schermata_2018-07-05_alle_09.11.39.jpg
09 de messel 2018

Nicoletta Riz venc l'Ecoquiz!

Anter sostegnibilità, stravardament e sparagn energetich se à fat lèrga na studenta de la Scola Ladina de Fascia.  
Via per l meis de mèrz passà l’APPA (Agenzia Provinzièla Protezion Ambient) ge à portà dant a passa 587 studenc de la terza e quarta clas de la scola autes de la region n quiz sun desferenc argomenc de ambit naturalistich. L zil de la scomenzadiva l’era chel de smaorèr l sentiment de sostegnibolità ambientèla anter i joegn. L’educazion a la sconanza de l’ambient e a sia sanità l’é ben segur temes de atualità, che purampò n muie de outes i vegn sotvaluté o no se ge dèsc l’emportanza che carenea.

...
media/k2/galleries/7719/thumbs/Schermata_2018-07-08_alle_22.50.07.jpg
08 de messel 2018

N aperitif te la Dolomites Unesco

Vigni lunesc te Museo Ladin na scontrèda culturala con na cercia de vin e formai. Dò Marcella Morandini se va inant con Cesare Poppi.
Cognoscer vèlch de la storia e de la cultura de Fascia, del raion ladin e de la Dolomites, te na scontrèda lijiera e con ence na cercia de vin e de formai sport da aziendes del post. L’é chesta la formula de una de la desvalive scomenzadives che l Museo ladin de Fascia ge sporc a la jent via per dut istà. L’à inom “Aperitif te Museo” e desche oramai da vèlch an, l vegn endrezà ence chisc meisc, vigni lunesc da les 5 domesdì te la Sala Heilmann del Museo a Sèn Jan, con l’intervent de esperc ...
media/k2/galleries/7692/thumbs/Schermata_2018-07-05_alle_08.55.10.jpg
08 de messel 2018

Nomines e vèlch discuscion a Sèn Jan

L Consei de Comun, ret dal president Cesare Bernard, à portà a compiment i prumes adempimenc: Giorgio Dorich e Tarcisio Rasom nominé tel Consei general.
Per jir inant delvers ge vel peèr via col pe dret. Coscita l President del Consei de Comun de Sèn Jan, Cesare Bernard, en mèrtesc ai 26 de jugn l’à avert sia pruma sentèda col ge portèr dant ai conseieres l regolament del Consei. No volesse esser massa rigorous sul numer e sui menuc consentii per i intervenc - l’à dit - ma chest sarà possibol demò se duc tol pèrt con fondament, zenza jir massa fora da la regoles.

Anter i adempimenc de chest Consei l’era la definizion di gropes consiliares con ...
media/k2/galleries/7688/thumbs/Schermata_2018-07-05_alle_08.37.00.jpg
07 de messel 2018

Socors da mont, eroes de vigni dì

En domenia al 1° de messèl aló da la strutura ADEL de Ciampdel l'é stat metù a jir na sera informativa en colaborazion strenta col Socors da mont Auta Fascia.
No demò amor e pascion per la mont, ma ence fadìa e dedizion: chest l’é chel che la scomenzadiva endrezèda dal Fascia Climbing ensema al Socors da mont Auta Fascia volea fèr vegnir fora. Descorir dut chel che l’é vindedò la coltrines de n intervent, da la pruma chiamèda enscin al recuperament de la persona en dificoltà. L’é belapontin de gra ai omegn del Socors che l’é permetù a vigniun de nos de jir sa mont co la maor segureza che l’é possibol, ma vardan semper de mantegnir la prudenza che ...
media/k2/galleries/7718/thumbs/Schermata_2018-07-06_alle_21.12.58.jpg
06 de messel 2018

L minìster Fraccaro en vijita a Moena

Riccardo Fraccaro é ruà tel paìsc fascian che era stat danejà da l’agajon, per ge fèr sentir a la jent la vejinanza del Goern e ge portèr n messaje positif ai turisć.
Pec dis dò l’agajon che à portà gran dan a Moena, l minìster per i raporc con l Parlament Riccardo Fraccaro é ruà a vijitèr la Fata” per ge fèr sentir a la jent la vejinanza del Goern e ge portèr n messaje positif ai turisć.

Fraccaro à palesà sia marevea e sie aprijiament tel veder l gran lurier che era stat fat per portèr endò al più prest la situazion a la normalità.

Me fèsc piajer veder che l’efizienza di intervenc é dò a ge dèr endò al paìsc sia mior parbuda - l’à dit - lodan l lurier ...
media/k2/galleries/7712/thumbs/cojina_teritorie.jpg
06 de messel 2018

La cojina deidela l svilup del teritorie?

Te Fascia l’é i Dolomites Top of the Chefs. A l’Agritur El Mas de Moena sabeda ai 7 de messèl n debatit anter chef e imprenditores.
Te Fascia l’é i Dolomites Top of the Chefs. La val se enjigna a moscèr sia viesta più gourmet a duc i pascioné de l’auta cojina, a ghesć, giornalisć e esperc enogastronomics travers la creazion di cheghes più aprijié de la val. Dolomites Top of the Chefs – Food & Trentodoc Days te Fascia l’é n event unich e inovatif che met al zenter la cojina da mont che sarà la protagonista per na dì entrìa te val e che desmostrarà coche Fascia pel se mudèr da lech turistich a vocazion sportiva a lech con ...
media/k2/galleries/7681/thumbs/Schermata_2018-07-05_alle_08.18.34.jpg
06 de messel 2018

PalaDolomites: na cèsa per fèr comunanza

Na neva strutura che ge darà alberch a la manifestazions del comun de Mazin é stata inaugurèda a Ciampestrin.
Sabeda ai 30 de jugn del 2018. Data de valor per noscia comunanza, ajache te chesta dì l’é stat inaugurà l PalaDolomites, na neva cèsa de cultura loghèda tel comun de Mazin.  
Fascegn, ghesć, i ombolc di Comuns de la val, la Procuradora e l president del Consei del Comun general de Fascia, l diretor e l president de l’APT, i membres de la jonta de Comun de Mazin e autra autoritèdes se à binà te chesta bela dì per l’ocajion.

De più su La Usc stampèda en vender ai 6 de messèl
media/k2/galleries/7682/thumbs/Moena__neta_do_egajon.jpg
05 de messel 2018

Moena leva sù

De gra al lurier de sacotenc volontadives, di Studafech, di Polins e Polizia, de la Protezion zivila Moena é stata neteèda da l’èga e da la mauta.
Dò na net e na dì de lurier Moena é stata neteèda sù, rencurèda e la vèrda fora beleche desche inant.

L’é stat n event ecezionèl, ma ecezionèla é stata ence la machina di volontères che se à tirà ite la manies e à lurà 24 ores a dò a dò, zenza lascèr sù per se pussèr, zenza se fermèr per magnèr o jir a se mudèr. Moena se à remì e la jent se à didà fora l’una con l’autra. Te chesta ocajion se à podù veder l spirit de solidarietà, de unità, de didament de noscia jent, jent che é usèda a lurèr a ...
media/k2/galleries/7674/thumbs/Schermata_2018-07-04_alle_11.43.50.jpg
05 de messel 2018

60 egn de donazions

L grop de Moena de l’ADVSP à festejà chest emportant travert con n bel moment de condivijion tel chèder de la sègra de Sèn Vile
L grop de Moena de l’ADVSP à festejà chest an i 60 de sia fondazion e l’à cernù de l fèr tel chèder de la sègra de Sèn Vile, na festa che da semper per i moenac raprejenta n bel e sentù moment da spartir duc ensema.

Chest grop l’é stat metù sù del 1958 desche AVIS per volontà de n bel numer de donatores che i se aea organisà a na vida autonoma sot la vida de Adile Mora de l’Hotel Stella. Del 2000 i Gropes de la valèdes se à destacà da l’AVIS ge dajan vita a l’ADVSP, sociazion donatores ...