Iniann festejëia La Val n iubileum important. 150 agn él ca da canche le zënter cun la dlijia s’á sposté jö a Plan Morin. En gaujiun de chësc iubileum s’á l’uniun de teater La Val ponsé fora da porté chësta storia, signada da nia püc contrasć danter la comunité dl paisc, sön paladina tres n teater. N grup de laur formé da Bernardetta Nagler, Stefan Nagler, Sylvia Costabiei, Matteo Rubatscher y Veronica Rubatscher á scrit le copiun. Les proes á bele scomencé d’aurí y jará inant cina ala pröma rapresentaziun, preodüda por le 31 de ma. Indöt tól pert incër 30 jobleri y jobleres de dötes les spanes d’eté y les scenes teatrales gnará abelides da n contribut musical de Marlene Schuen, musizista dl grup »Les Ganes«.
Liede deplü noeles en cört tla ediziun nöia de vëndres 26 d'aurí!
Storia dla dllijia da La Val sön paladina
Galaria retrac
View the embedded image gallery online at:
https://www.lausc.it/valedes-ladines/val-badia/26982-storia-dla-dllijia-da-la-val-soen-paladina#sigProId9e600d6750
https://www.lausc.it/valedes-ladines/val-badia/26982-storia-dla-dllijia-da-la-val-soen-paladina#sigProId9e600d6750