La Usc di Ladins

Benedisciun dles Vespes
Le »Vespa Club Al Plan« organisëia la benedisciun en mercui al 1. de ma, a Oies
Sciöche al é bele da plü agn, organisëia le »Vespa Club Al Plan« ince chësc ann la benedisciun dles Vespes. An s’abina en mercui al 1. de ma dales 10:00 sön plaza de dlijia d’Al Plan, por se mëte sön tru devers le santuar de Sant Ojöp Freinademetz a Oies (strada da San Ciascian fora). Dailó sarál dales 11:00 la benedisciun dles vespes, por man de pater Franz Senfter. Dedô ván jö Badia por n pü’ de aurela cörta. Inviá é düc i »vespisti« – mëmbri dl club y nia.


»La lëtra por le re«
En sabeda ai 4 de ma

• 
•  

View the embedded image gallery online at:
https://www.lausc.it/manifestazions-y-evenc/26986-manifestazions-atuales-speziales#sigProIdc435e9e741

dales 16:00 él tla Gran Ciasa a La Pli la presentaziun dla traduziun ladina dl liber de Tonke Dragt
»La lëtra por le re« é le titul dl famojo liber por jogn scrit bele dan 60 agn dal’auturia olandeja Tonke Dragt. Al é gnü traslaté te plü co 30 lingac dl monn y sëgn él danman ince la verjiun tl ladin dla Val Badia.
La traduziun é gnüda fata da Maria Margareth Pedevilla da La Pli y vëgn dada fora tres l’Istitut Ladin Micurá de Rü. Na storia che apascionëia milesc de leturs sura döt le monn y che pó sëgn apascioné ince i leturs jogn ladins.
La presentaziun dl liber vëgn tignida en sabeda ai 4 de ma dales 16:00, tla Gran Ciasa a La Pli de Mareo.


Bal d’aisciöda a La Val
La Jonëza da Paur da La Val inviëia düc al bal, en doman sabeda ai 27 d’aurí
La Jonëza da Paur da La Val mët a jí chësta sabeda ai 27 d’aurí dales 20:00 inant le bal d’aisciöda, tl salf dles manifestaziuns dl paisc.
Por l’intratignimënt musical fistidiëia »Die Woazgruiba«. Happy Hour dales 20:00 ales 21:00, entrada 10,00€.


Marcé de ma cun Herbert DorfmannAVIS LITAL
Incuntada cun le candidat ales lîtes europeiches dla SVP
En mercui al 1. de ma él a Badia le marcé de ma. Herbert Dorfmann, euro­parlamentar y can­didat SVP ales lîtes euro­peiches de jügn, inviëia a na incun­tada cun la jënt, dales 9:00 tla Usta­ria Posta o dales 10:00 tla Ustaria Cavallino.
Ala pert sarál ince Man­fred Vallazza, surastant dla SVP Val Badia, y Felix Nagler – candidat ladin de sostëgn y fun­zionars SVP.


Aurona Ores… e picola boles
Na scontrèda de beleza, ai 5 de mé al Dolomiti Exclusive a Sèn Jan
Fèr cultura. L é chel che se à metù dant cater eles imprenditores fascènes per creèr na scontrèda su la beleza.
Katiuscia Rasom e Carlotta Nemela de Aurona Ores ensema a Manuela Belli de Dolomiti Exclusive e Elena Vian personal chef de Private Chef Experience ve portarà tel teren lujent de l’Aurona, per vegnir fora didé da la picola boles, cercian l moment de gran emozions e tegnan te man n prezious de porzelana sgalizenta.
Ai 5 de mé da les 17:30 al Dolomiti Exclusive, strada Dolomites 55/A, Sèn Jan.
Prenotazions a info@dolomitiexclusive.com, tel. 340 7899094.