Fodom

16 de messel 2018

"Dolomitization", el juoch iteratif per cugnësce le Dolomiti

La novità de l'isté 2018 da prové al ufize turistich de Reba
A Reba rua "Dolomitization, el juoch iteratif per cugnësce le Dolomiti.

Deplù te la edizion dl 13 de messel
media/k2/galleries/7748/thumbs/Bildschirmfoto_2018-07-12_um_09.50.28.jpg
15 de messel 2018

La Vertical Col de Lana rua a la sesta edizion

Atlec de livel, come el sloveno Kuhar Nejc s'a bele scrit ite a la gara del 22 de lugio
Domënia 22 de lugio tourna la Vertical Km Col de Lana, gara de corsa sa mont su nen dislivel de 1000 metri nte 2 chilometri, ruada sto ann a la sesta edizion.

Deplù te la edizion dl 13 de messel
14 de messel 2018

S.Iaco per gragn, pichi e per la solidarieté

La comunité festegiarà i spoji che recorda 24, 40, 50 e 60 agn de noze
La siegra de n paisc, come da tradizion, l'é en moment ulache duta la comunité se bina auna per onoré suo sánt patrono ma ence per fè festa e sté auna con gaist de ester na comunité.

Deplù te la edizion dl 13 de messel
media/k2/galleries/7746/thumbs/Bildschirmfoto_2018-07-12_um_09.50.19.jpg
13 de messel 2018

Decanat tout via:"En vare del viers de l'uniformazion"

N'azion compagna a chëla del 1964: la jent no l'é stada enformada
El Decanat da Fodom, che l tol ite le parochie de La Plié, Reba e Col, con dute le curazie che va prò, l e sté tout deméz.

Deplù te la edizion dl 13 de messel
media/k2/galleries/7740/thumbs/IMG-20180710-WA0016.jpg
12 de messel 2018

Impero Sotterraneo: n film su le miniere de le Dolomiti

L grop de laor che l é darè a laurà a sta produzion che vegnarà fora l an che ven l é ruà sabeda passada a Col a vede la galleria Breda.
A Col per vede con voge le miniere del Fursil e per vede come le mete ite ntel film “Impero Sotterraneo”: chest chel che à fà sabeda passada la M produzioni e l grop de laor che l é darè a laurà su sto importante progeto de promozion e valorizazion de la storia passada de sti luoch. N proget nassù ntel novembre 2017 da l'idea de portà per televijion o al zinema la storia e i aspec particolari de le miniere de le Dolomiti. Ntei mes da d'invar l é bele stà fat n prim promo su la storia, n promo ...
media/k2/galleries/7733/thumbs/MUSICOL_2.jpg
11 de messel 2018

Musicol, n grop de jovegn co la passion per l centà

N nuof coro dut de jovegn l é chel nassù a Col nte sti mes. Sue prime ejibiziogn ntel mes de luio.
Musicol l é l inom che s'à dat n grop de na chindejina de jovegn da Col che i spartis auna la passion per la mujiga e per l centà. La maor part de lori i centa bele ntel coro parochial; i à dai 16 ai 27 agn e l é bele calche mes che i se bina auna per fà le prove e se injegné per se prejentà a la jent. Sot la direzion de Mattia Troi e con Eleonora Troi al orghen, doi l é le ocajiogn che sto grop l à zarnù fora per se prejentà: sabeda 21 de luio, da le 20.30, nte la gejia parochial de Selva e ...
media/k2/galleries/7721/thumbs/CAI_2_.jpg
10 de messel 2018

Manutenzion sul triol geologico de Reba

Incia sto an la colaborazion col CAI de Camposanpiero l'à inconsentì de netà e mete aposto sto triol.
Vender 29 de jugn, come che suzede oramai da agn, cuater membri del CAI de Camposanpiero (PD) i é ruai a Fodom per fà la manutenzion del triol geologico che l é sora Reba. Col injemelinament che l CAI da Fodom l à fat ntel 2011 con chel de Camposanpiero, la manutenzion de zerti trioi la é deventada pi saurida parceche fata auna. N particolar, no demà i trioi dintor l Col de Lana, ma soraldut sto triol geologico che, per come che l é fat, l à debujegn de ester metù aposto almanco n viaz al an e ...
media/k2/galleries/7697/thumbs/Bildschirmfoto_2018-07-05_um_09.13.15.jpg
08 de messel 2018

Caserma de Reba: velch se muof

Davò le proteste de Manuel Roncat, alpini al laour per neté su
Davò le proteste del albergadou Manuel Roncat velch ensomeia se muove per comedé la śona dintourn la caserma de i alpini de Reba. I dis passei omegn del Eserzito, i a scomencé a percuré su el scich e l bordel.

Deplù te la edizion dl 06 de messel
media/k2/galleries/7696/thumbs/Bildschirmfoto_2018-07-05_um_09.14.09.jpg
07 de messel 2018

Via 36 pilons da la corente

Enel al laour per "neté" su Reba e l rest de la val da i vegli e burc pilons. Grones: "Nuove e plù segure linee da la corente"
Nte chisc dis le oure de Enel i é al laour sa na Reba per tò deméz i ultimi 5 de i 11 vegli pilons da la corente che l eva nte paisc.

Deplù te la edizion dl 06 de messel
media/k2/galleries/7695/thumbs/Bildschirmfoto_2018-07-05_um_09.14.00.jpg
06 de messel 2018

Fodom comun "riciclon" per Legambiente

Nte la classifica anual el comun l é al 3° en provinzia posto per la diferenziada
Fodom l é el 3° comun plù riciclon en provinzia de Belum davò la clascifica che ven fata ogni ann da Legambiente. Na notizia che el Capocomun Leandro Grones fesc a savei con grana sodisfazion.

Deplù te la edizion dl 06 de messel
media/k2/galleries/7706/thumbs/20180704_084825.jpg
05 de messel 2018

Muor l Decanat da Fodom; nas la “Forania di Agordo – Livinallongo”

Darè secui de storia toma per Fodom e Col incia l'ultima istituzion che regordava l liam a le autre vai ladine e a la storia che auna i à despartì ntei secui. “Nte la pratega l é bele agn che la situazion la é cussì” dis l degan don Dario Fontana.
Deguna letera, deguna comunicazion ufizial. Demà n mudament, sul sito internet de la diozeji, ulache inveze de ciatà i doi inom destacai, ades se i ciata inveze tacai. Cussì Fodom e Col i é vegnui a savé de la dezijion del vescovo de tirà auna l Decanat da Fodom nte la Forania de Agort. Medema sort é tocada ad Anpezo col Ciadore. Na roba chesta che la é suzeduda bele nte le stemane passade ma che, se degugn fosse jui a vede sul sito internet, l'avarave podù passà via cussì, senza che degugn se ...
media/k2/galleries/7672/thumbs/IMG-20180703-WA00111.jpg
03 de messel 2018

Fodom: strada sarada per na boa nanter Reba e La Plié

Le forti piove de ste ore (130 mm nte puoch temp) i à portà intor le zinch daremesdì a sarà la strada nanter Reba e La Plié a gauja de na boa che é vegnuda ju nanter la lateria e le cese de L Fever al km 87,600 de la regional 48 de le Dolomiti. La strada la é restada sarada per n'ora e mesa e ades che na corsia la é stada liberada, la circolazion la jirà navant per n par de ore con senso unico alternato. Problemi incia a Reba sul ru che ven ju da Ciaulonch, ulache però i lauranc de comun i à ...
media/k2/galleries/7641/thumbs/Bildschirmfoto_2018-06-28_um_08.49.39.jpg
01 de messel 2018

El Coro Fodom enjegna viade storich en Georgia

Dal 28 de setembre al 3 de otobre i ciántarins i sarà ntel paisc ai confins de l'Europa
Davò la Cornovaglia e l'Ucraina d'auton via el Coro Fodom el sarà empegné nte n'autra trasferta storica. Sto viade per le grop ensegné via dal maestro Lorenzo Vallazza sarà la outa de jì en Georgia per fè scouté su sue ciántie ladine e da mont. L'ocajion e i contac per jì nte chëst paisc ai confins de l'Europa i é ruei grazie al „Bepe Gobo" che da spëss,che da spëss l é de viade nte paisc foresti e ence puoc cugniscius per via de suo laour ntel ciámp de l'agricoltura. La Georgia, na outa ...
media/k2/galleries/7640/thumbs/Bildschirmfoto_2018-06-28_um_08.49.31.jpg
30 de jugn 2018

Ciámp dal glac de Reba: no se ciapa en nuof gestor

A la pruma asta no s'a prejenté degugn. El Comun arbassa el priesc da 8 a 5 mile 300 euro al ann
Ciámp da la glac de Reba: degugn vòl to su la gestion. El Comun arbassa de 3 mile euro el priesc del fit al ann. Le 23 de auril s'a saré i tiermegn per prejenté le dománde per tò su la gestion del ciámp da la glac e de la plazola per i camper de Reba. Ma per en chël di nte Comun no l é rué ite deguna lëtra. Coscita l'aministrazion l'a dezedù de mëte fora en auter bándo. Per envoié valgugn a se fé ennavánt l é sté arabassé el priesc de 3 mile euro: da 8 mile 300 euro e 5 mile 300 euro.

Deplù te ...
media/k2/galleries/7639/thumbs/Bildschirmfoto_2018-06-28_um_08.49.21.jpg
29 de jugn 2018

Caserma de Reba, da Bolśán deguna resposta. E Roncat scrif a "Striscia la Notizia"

El titolar del Garnì Marilena:"Autorizéme a jì a neté su"
Mossaralo rué le cinepreje de Striscia la notizia a mostré a duta Italia el bordél che l é dintourn a la cajerma de Reba perciéche l Eserzito el se muove e l scomence a neté su? Manuel Roncat, titolar del Garnì Marilena, che l é bel davò la caserma su, no l a ciapé deguna resposta da Bolśán, ulache l ava scrit davánt doi setemane per denunzié chëla situazion de deśenour. Coscita encora plù frëm nte la volonté de rué fin junsom a chësta cuestion, l a tout endavò cherta e pëna e l a scrit encora ...
media/k2/galleries/7638/thumbs/Bildschirmfoto_2018-06-28_um_08.49.10.jpg
28 de jugn 2018

Igor Palla campion interregional de Trail Running de i studafuoch

L atlet, che fesc pert del distacament de Fodom l a vadagné el titol a Enego (Vi)
Igor Palla l é el prum campion interregional de i studafuoch de corsa Trail Running. Palla, che fesc pert del distacament de i studafuoch da Fodom, l a vadagné el titol enchëstadì a Enego ( VI ). Davò da dël s'a piazé Dabiele Case, terzo el vigile coordinadou Dario Righes, duc doi de Belum. La gara l'eva l'edizion zero de la "Enego running expo", gara trial de corsa sa mont su na lunghëza de 24 km,

Deplù te la edizion stampeda dla USC.
media/k2/galleries/7633/thumbs/fistil_2_.jpg
26 de jugn 2018

N nuof "Fistil Benedet"

N laor per mantignì n luoch che l à darè na granda storia che fonda sue rais nte la legenda.
Sarave stà n frate, davant pi de zent agn, a benedì le aive de sto fistil puoch sora la frazion de Posauz a Col. Da chel dì duc l à ciamà Fistil Benedet e proprio sti di passai n grop de omegn volontif i à tornà al fà da nuof.

(De pi su la Usc de vender 29 de jugn)
media/k2/galleries/7606/thumbs/Bildschirmfoto_2018-06-20_um_16.38.54.jpg
24 de jugn 2018

Malga da Ciastel: fata sclopé la bomba ciapada davánt ale stale

Adés i laour i podarà jì ennavánt
Ensomeia cuaji na maledizion. Davò el nuof park en Val del Hotel, ence entánt i laour de sistemazion de l Teriol de la Vëna e de la Malga da Ciastel, duc finanziei co i scioldi del Fond Comuns de Confin l é sauté fora doi bombe de la Prum Viera che a fat fermé e entardivé i laour. Dut l é suzedù entourn la fin de mei, cánche, a sgiavé, l é sauté fora ben doi bombe: una sa L Col de Larzionei e una ntel gran piazal davánt ai stalóns de la Malga da Ciastel.

Deplù te la edizione stampeda dla USC.
media/k2/galleries/7605/thumbs/Bildschirmfoto_2018-06-20_um_16.38.40.jpg
23 de jugn 2018

"Chëla caserma l'é en burt vedei entaméz a Reba"

Manuel Roncat scrif al Esercito per denunzié la situazion del fabricat dei alpini. "I sciori i se lamenta de chël desenour" 
Mur che se scrosta ju. Paranei de fiern e bánde che pingoleia dal tët. E dut dintournvia en scich che le feriade metude perciéche degugn vade ite, perciéche pericolous, le no dáida zerto a scone via. Ánzi, se proprio le dáida a fè crësce encora deplù la sensazion de arbandón e de desenour. Chësta l'é la situazion de la caserma dei alpini de Reba che fesc (burta) paruda ntel zenter del paisc per duc chi che i é passa davántvia.

Deplù te la edizione stampeda dla USC.
media/k2/galleries/7604/thumbs/Bildschirmfoto_2018-06-20_um_16.38.30.jpg
22 de jugn 2018

Kaiserjaeger e scizeri a recordé i tomei sun Pordou

Na zerimonia che vol se slargé
Raprejentánze dei Kaiserjaeger da Ora, Villanders, Kirbichl, Kufstein, de la Gebirgsartellillerie Kaiser da Liez, i scizeri de le compagnie da Fodom e da Fascia i s'abiné ence sto ann, endomënia passada, su dal osciario de Pordou per na scempla zerimonia de comemorazion dei tomei de dute le viere.

Deplù te la edizione stampeda dla USC.