Fodom

media/k2/galleries/5198/thumbs/Bildschirmfoto_2017-06-22_um_09.21.07.jpg
24 de jugn 2017

"N paisc turistich l a da ester vif e da vive dut l ann"

Riflescions de na fodoma "emportada"
Nte la resposta a le associazions per via de la procescion de la "Festa del Signour" anulada Michela Lezuo l'a toché troc argomenc. Ma demè n pert posi e dé rejon. A mio modo de vedei vol na riflescion plu sot.

Deplù te la edizion dl 23 de jugn
media/k2/galleries/5219/thumbs/POSAUZ_.jpg
23 de jugn 2017

Col: Posauz l avarà suoi paralivine

168 metri de protezion per n intervent che l eva spetà da agn.
Via per l auton i Servije Forestai de la region Veneto i metarà man i laor per mete al sigur da le livine la strada che porta nte Posauz. Chesta la os che girava bele da stemane, ma che ades la é pi che na semplize os. L proget l é bele aposto e incia i mezi per curvì i cosc. Na operazion chesta che la spetava bele da pi agn de ester fata, per chela che l comun l ava bele pi viaz vardà de arjonje calche contribut, ma che fin ades la eva demà restada ntel volè dei aministrador. Ades, darè tant, ...
media/k2/galleries/5186/thumbs/20170525_162237.jpg
21 de jugn 2017

L Pore curvì da le nuove tabele de la Lia da Mont

Grant l laor che l'à fat dal 2014 navant la Lia da Mont Fodom – Col per mete aposto trioi e per mete sue tabele. Darè Pore resta come obietif l Col de Lana e l Boè.
Pi de 1000 tabele metude ju nte trei agn ntei doi comugn da Souramont e autretante chele ncora da mete. Chest l bilanz dei prim trei agn de atività de la Lia Da Mont Fodom - Col che a pèe via dal 2014 l'à metù man de segné fora i trioi de Fodom e Col con de le bele tabele de legn che segna i inom dei luoch e l temp per i arjonje. A Col i é 400 le tabele bele metude ju e n zentener le speta ncora de ruà a sa posto; 700 inveze chele metude ju sa Fodom con ben 800 ncora da mete. Per vede n frego ...
media/k2/galleries/5143/thumbs/Bildschirmfoto_2017-06-15_um_09.11.55.jpg
17 de jugn 2017

I bai da Fodom ntel cuor de l'Europa

La bela esperienza del Grop da Bal da Fodom a le "Giornade Europee" de Neudrossenfeld
Gran entujiasm e sodisfazion per l Grop da Bal da Fodom che l a podù tò pert a le "Giornade Europee" che ie stade dal 18 al 21 de mei a Neudrossenfeld, nte l'Auta Franconia. A chësta festa, che ven fata ogni doi agn, sto viade i eva enviei i Ladins del Sela e i abitánc del Gelderland, na region dei Paisc Basc.

Deplù te la edizion dl 16 de jugn
media/k2/galleries/5133/thumbs/FOTO_1_.jpg
13 de jugn 2017

Strada de la Vena: incia Fodom scomenza suo toch

I prim mezi i é ruai sti di passai a Col de Larcionei, ma prest podarave mete man incia i laor de la malga da Ciastel.
Darè i laor sul toch de Col de la Strada de la Vena che i ava metù man ntel auton passà, coi prim de jugn i à metù man incia i laor del proget da 1.284.500,00 euro finanzié dai vege fondi ODI sul toch de strada che revarda Fodom. Chis i sarà mandai navant da la dita Lago Rosso de Ville d'Anaunia n provinzia de Trent e i pervede la sistemazion de la strada da la malga de Ciastel fin al confin col comun de Col. L cantier l s'à sentà ju a Col de Larcionei e da ilò i laor i à metù man del vars del ...
media/k2/galleries/5102/thumbs/Bildschirmfoto_2017-06-08_um_08.42.07.jpg
10 de jugn 2017

Michela Lezuo:"On da capì che son sentei duc nte la medema barca"

La consiliera de comun con delega al turism fesc l "mea culpa" per la sourapiada de la gara de rode col Corpus Domini. Ma la disc:"L turism l é nosta richëza, no se po' pensé che dut desturbe"
Davò la lëtra de protesta d'envalgune associazion culturai de la valada soura la cuestion de la procescion de la Festa del Signour, anulada per via che la celebrazion la sourapieia co la "Dolomites Bike Day", rua la resposta de la consiliera de comun con delega al turism del comun.

Deplù te la edizion dl 9 de jugn
media/k2/galleries/5071/thumbs/Bildschirmfoto_2017-05-31_um_09.12.44.jpg
02 de jugn 2017

Rua l "porta a porta" per dute le scoadure

Encontada de informazion co la nuova sozieté che gestisc l servisc. Le poure e i dubi de chi che vif nte le frazion plù descomede
Coche l eva bele sté anunzié davánt envalgugn meisc, ence i comuns che fesc pert de la Comunité Montana Agordina i adotarà l sistem de regoiësta de le scoadure clamé "porta a porta spinto".

Deplù te la edizion dl 1 de jugn
media/k2/galleries/5086/thumbs/DSCN5603.jpg
01 de jugn 2017

Scuaze de Col e Fodom: ce che muda dal 01 de luio

Insera a Col l ultima sentada de dut l Agordin ulache i lauranc de Valpe Ambiente i à spiegà a la jent ce che mudarà dal 01 de luio 2017 ntel sturtà su e butà via le scuaze.
I locai de le vege scole da Col i eva piegn de jent insera per la sentada ulache vegniva spiegà dute le nuove sul model gestional che Valpe Ambiente introdujarà dal 01 de luio per sturtà su le scuaze nte dut l Agordin. Da sta data duta la jent l'avarà a cesa duc i bidogn che la duorarà (carta, secco, umido, viere-plastica-banda) e la metarà man de butà via dut n cesa parceche i bidogn che l é in or de strada i vegnarà cioi demez. Se passarà donca al "porta a porta" come che l ven ciamà, con ...
media/k2/galleries/5058/thumbs/foto_1.jpg
30 de mei 2017

Fà sgnapa: l'arte e l laor de Vincenzo Agostini

N vege mestier che l avocato - scritor da Col l à dezijo de imparà e che ades l manda navant con na produzion de cualità duta sua.
Lassé via l laor de na vita per mandà navant la sola distilleria che l'eva restà n provinzia de Belum. Chesta l'é la dezijion che Vincenzo Agostini da Col l à ciapà oramai da cuater agn. Avocato de profession, Vincenzo n bel dì l à dezijo de lassé dut e de mete n pe valch de suo per tornà a ciapà con man n vive pi chiet e davijin da la natura. La ocajion la é stada canche la distilleria de sgnapa “Le Crode” davijin da Feltre la risciava de sarà: Vincenzo l à cussì dezijo de la ciò su e, darè ...
media/k2/galleries/5016/thumbs/COL_2_.jpg
22 de mei 2017

Col a Brentonico per regordà i internai de guera

L comun trentin l à metù a jì domenia 21 de mai na giornada per regordà, auna a le aministraziogn de Col e Trecate, ce che ava patì sua jent intant la guera. Na incontada che l an che ven la sarà fata a Col.
L 6 de novembre passà, in ocajion de la comemorazion fata a Trecate de duc i internai che intant la prima guera i eva stai mandai ilò da Brentonico e Col, i raprejentanc dei trei comugn i s'ava binà ma incia lassé con na intenzion: chela de tornà a se ciatà al pi prest. Domenia 21 de mai difati l comun trentin de Brentonico l à invidà i auter doi comugn e auter apede ju per regordà ce che l pais l à patì intant la prima guera mondial e duta la jent che la eva ruada proprio a Trecate come ...
media/k2/galleries/4986/thumbs/ALEX_1_.jpg
17 de mei 2017

Alex, l fodom che laora col Giro d'Italia

Na ciacolada con Alex Martini da Reba che da pi agn l laora co l'organizazion de sta importante manifestazion.
Chi avesselo mai dit che nanter i lauranc del Giro d' Italia da ben 10 agn fosse incia n ladin? El l é Alex Martini, 31 agn, da Reba che canche l n'ava 19 l é pèe via per l prim viaz a laurà darè al grop de persone che se cruzia di per di de injegné i arrivi de le desferente giornade de la manifestazion. Proprio parceche ntei di che ven l Giro l ruarà incia su da noi, on pensà de ie fà calche doamnda per capì meo ce che l é darè a sta manifestazion e, soraldut, per se fà contà valch de pi su ...
media/k2/galleries/4981/thumbs/IMG-20170511-WA0001.jpg
11 de mei 2017

Reba: rimorchio se rebalta nte ru. Sloversada nte iega emulsion per asfalt.

REBA. Rimorchio den camion peia via da sol e se rebalta ntel Cordoul. Sloversei nte ru envalgugn litri de emulsion per asfalc che l'eva nte doi bot sul rimorchio. L' inzident, che per na bona no l a bu conseguenze peso, se no n alarm a l'Arpav per n alarm da incuinament l é suzedù encuoi davomesdì entourn le 5 sa na Reba. N gros rimorschio de chi che ven dourei per porté entourn scavatori o autri mesi che l eva parchegé ntei piazai damprò a la stazion japé dei lifc de Chël Vësco, per gauja che ...
media/k2/galleries/4954/thumbs/Arrivo_Ambulanza_-_Copia.jpg
11 de mei 2017

Cros Biencia: n an de atività

Sabeda 06 de mai s'à tegnù la sentada anual de la Cros Biencia da Col.
35 volontari e 67.563,57 euro de avanzo de gestion: chis doi dei numer positif che la Cros Biancia da Col l à registrà ntel 2016. Chest l é stat l an ulache l associazion l à mudà suo diretif, ulache l à deidà nte pi ocajiogn nte le feste paesane e ulache l à segurà l trasposto de malai e ferii del vars dei ospedai con de 41 intervenc de socorso fai co l'ambulanza e 157 viaz fai per portà le provette de sanch dai distreti de Ciaurì e Canal del vars del ospedal de Agort. Dut chest per n total de ...
media/k2/galleries/4951/thumbs/LOF_1.jpg
10 de mei 2017

Lof e porziei selvarech: cal elo l pericol?

Vare ronciade e zarf magnei fora: chis i dagn che la val da Fodom l'à patì a gauja dei lof e dei porziei selvarech nte ste stemane. Nia de dut chest a Col e in Anpezo.
Incuoi ot la jent da Col l'ava podù vede su le vare de Selva che se ciata sot la gejia n pastorez de siei porziei selvarech. Cheste l é le medeme bestie che l 29 de auril i eva stade vedude sa L Fever a Fodom e che i é donca passade per Col e ruade fin a Selva ulache somea i abe ciatà valch de sa bech. Da ilò no se i à pi vedude e no se sà ben ce fin che i abe fat, come che no se sà la fin dei lof che nte le stemane passade i à magné valgune cioure sun Plan Boe e calche zarf sun Mont da Chierz. ...
media/k2/galleries/4917/thumbs/LOGO_COLLE.jpg
03 de mei 2017

Na nuova associazion turistica per Col

“Colle Santa Lucia – Dolomiti” sarà la nuova associazion turistico – cultural che nassarà da la colaborazion nanter Comun, Proloco e Union dei Ladign.
Juoba 27 de auril l consilio de comun de Col l à aprovà l statut de “Colle Santa Lucia Dolomiti”, l'associazion turistico – cultural che l'avarà da studié, mandà navant e promuove l turismo nta Col. Valch che nassarà donca soraldut per dà n coordinament a duc i aspec turistizi che ntei agn che ven i sarà liei a le miniere del Fursil con la daurida de la Galeria Breda. Per savè de ce che se cruziarà de preziso sta nuova associazion on fat calche domanda a Maurizio Troi, assessor al turism e a la ...
media/k2/galleries/4874/thumbs/treno_.jpg
24 de auril 2017

L é ruà l treno de la galeria Breda

Metù per intant fora da la galeria, l treno l é ruà sa Col sti di passai.
Sto an ntel vof da Pasca l comun da Col l à ciatà na bela sorpreja. Ntei di de la Stemana Santa l é difati ruà nta Zarnadoi, darè n lonch restauro fat a Vicenza, l pico treno che l vegnarà duorà per portà la jent nte la galeria Breda. Comprà dal comun da Col de seconda man da la dita Monti de Auronzo, chest l é fat dan locomotor che và con na bateria a eletrico, da cuater carec e, apede a chest, incia da na pala caricatrice. Darè l comedament e la revijion fai a Vicenza, l trenino l é ades ...
media/k2/galleries/4809/thumbs/DSCN0838.jpg
06 de auril 2017

Col: l consilier Roberto Masarei l à dat le dimissiogn

Ruade n comun bele davant n par de stemane, le dimissiogn del consilier de la lista "Auna per Col" i é stade ufizializade insera ntant l consilio de comun che s'à tegnù a Col. Da la letera che l capocomune l à liet ju intant l consilio de comun no l é stà l muot de capì cale che siebe stà le vere motivaziogn che abe portà Masarei a fà sto varech. Ades, darè sta nuova, l consilio de comun l restarà con 10 persone mpé de 11 parceche la lista "Auna per Col" no l ava degugn da banda che no fosse ...
media/k2/galleries/4778/thumbs/TRIOI.jpg
05 de auril 2017

Ladri de tabele a Col

Nte puoz mes l é vegnù a mancé a Col ben trei tabele de chele che la Lia la Mont Fodom – Col l'ava metù ju ntei agn passai. Vandalismo o autre motivaziogn?
La prima la eva vegnuda a mancé st'auton via n Costa da Pescol, po, ntel giro de puoz mes, incia una ntai Staloc e una sun Zopei. Trei l é in dut le tabele che la Lia da Mont Fodom – Col l'ava fat e che fora de nia, per man de no se sà chi, i é stade strafade via dai pai de legn ulache i eva stade invidade ite. L'ultima proprio sti di passai. No se sà se le trei situaziogn le siebe liade nanter de ele o manco; la roba sigura che se sà l é inveze che doi de le tabele robade, chela de Costa da ...
media/k2/galleries/4772/thumbs/FOTO_3_.jpg
01 de auril 2017

La gliejia da La Plié: storia, ert e mujica

Mparon a cugnësce la gliejia da La Plié co nen proget.
Ence nstouta la scola elementara da La Plié I’à tout pert al Concors “Tutela, valorizzazione e promozione del patrimonio linguistico e culturale del Veneto”, pensé fora e nvié via dal assessorat a l'identité veneta de la Region, dal Miur (Ufize scolastich regional per l Veneto) e dal Unpli (Pro loco del Veneto). L concors l é giourì a le scole de dute le provinzie del Veneto (elementari, mesane e scole aute), e a le scole taliane de la Slovenia e de la Croazia.
L proget l é sté paricé pro coi ...
media/k2/galleries/4696/thumbs/DSCN0843.jpg
22 de merz 2017

Ula elo Luca Cogo?

L consilier trevijan de “Forza Nuova” che l eva ruà ntel consilio de comun da Col ntel 2015 l é mancé per ben 13 ote su 15 ai consili de comun che l é stà fat fin ades. Sion jui donca a vede ce fin che l à fat.
Partezipà demà a 2 dei 15 consili de comun fai nte 22 mes de aministrazion a Col. Chesta la trista realtà del consilier Luca Cogo che su 15 consili de comun l é ruà su demà a doi. Dei auter 13 nte doi l à dat giustificazion per no podè ester, ntei auter 11 l é mancé senza lassé savè na particolar motivazion. E pensà che l 31 de mai 2015 la lista “Forza Nuova” l ava ciapà 32 voti, l 16% de chi che i ava votà, n 16% che no l à mai bù degugn che fesse sentì sua os nte le sentade de comun.

(Per savè ...