La Usc di Ladins

Sun man ‘l à ‘na statua de san Roco de len; inze i oce ra lagrimes, che el s’à ingropà: Carlo Alberto Delmonego ‘l é vegnù da Fodom in Anpezo par ra foula granda de ra sezion de ra Crosc bianca, agnó che i ‘l à fato sozio de onor. Con el ‘l é so femena, che i stà pede, anche ancuoi che ‘l é festa, cemodo che ‘l é suzedù tropa otes, de di e di note, canche ‘l ea da lourà, par deboto cuaranta ane. Carlo ‘l à scomenzà a moe fora co ra anbulanza, da vorentio, ai 6 de jenaro del 1978, el di che ‘l à fato 18 ane; lourante dal 1980, ‘l é stà capo servizio dal 1996, fin che ‘l é śù in pension, ai 28 de setenbre del 2018. Ades ‘l é a ciaśa soa, in Fodom, ma ‘l é ancora un vorentio de chera sezion e el moe fora con chera mondura śala, canche ‘l é biśoin. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper