Sport

media/k2/galleries/8274/thumbs/3Esse.jpg
21 de setember 2018

La 3Esse à vent l trofeo Minibike

Con la garejada de Soraga se à serà sù l zircuit. L’é stat premià i campions de categorìa. De bie resultac ence per i atlec de Rodes Val Badia
En sabeda ai 8 de setember a Soraga l’é stat la finala del zircuit de roda da mont, che tol ite Fascia, Fiem e Primier e ence valch sozietà del Südtirol.

La competizion la é tacada ite entorn le trei domarena e per zirca doi ore n muion de atlec à garejà sul bel percors endrezà dai arcedadores e colaboradores de la sozietà. Belapontin l’é vegnù fora n percors ben studià con doi sauc, sćiale, slalom e paraboliche. Ajache se corea te ciasa i atlec de la 3Esse no i é mai stac scì tenc: ben 45!!! E ...
media/k2/galleries/8237/thumbs/MoenaSportONLOINE.jpg
19 de setember 2018

N grum de sodesfazions per Moena Sport

La sociazion, dò aer serà sù n an agonistich dassen garatà, la é vertia a tachèr na neva sajon de corsc e garejèdes
L’an agonistich tanche passà l’é stat rich de sodesfazions più che zenza per Moena Sport, la sociazion che da oramai 14 egn porta dant corsc de ginastica ritmica, e da l’an passà ence de artistica, te la valèdes de Fascia e Fiem. L grop de atletes é dalbon engaissà e motivà, duta cantes la bezes laora bolintiera zenza sparagnèr fadìes e sacrifizies, ence la bezes più picoles, i resultac defat, che moscia n gran numer de podies, i lo desmostra.

Con la pruma setemèna de otober taca da nef i ...
media/k2/galleries/8230/thumbs/Bildschirmfoto_2018-09-17_um_10.24.39.jpg
17 de setember 2018

Le pröm derby i vá al Mareo

Mareo - Val Badia 2 - 0
An á odü n Mareo cun na gran orenté da davagné y tröpes ocajiuns da gol. La Val Badia, cun na scuadra dër jona, s’á stenté, zënza ester buna da gní prigorosa plü co n tant.

Deplü tla Usc stampada da en vëndres!

media/k2/galleries/8229/thumbs/ValdeFasciaMarathonOINLINE.jpg
17 de setember 2018

Roda da mont: Moena desfortunèda

La garejèda de cèsa no ge grigna ai bikers fascegn che te la Val de Fascia Marathon i no vadagna resultac de nonzech. Re e reìna de la marathon Alexey Medvedev e Mara Fumagalli
La Val de Fascia Marathon, ruèda a sia 11^ edizion, se à dejout en domenia ai 9 de setember.

Desche zenza, la garejèda moenata à binà ensema bikers de nonzech ence de livel internazionèl, uzan l livel agonistich de la proa che chest an era stata pissèda con n percors marathon da fèr stentèr belebon.

60 chilometres con start e travert aló da Navalge. Ite per anter, n dislivel de 2500 metres. Na garejèda n muie erta e tecnica che à metù en dificoltà duc i atlec, ence chi più esperc.

Per chi che ...
media/k2/galleries/8191/thumbs/LorenzOnline.jpg
16 de setember 2018

N pont vadagnà, ma doi perdui

Contra La Rovere i joegn fascegn à trat demez l prum temp e chest no ge à consentì de se portèr a cèsa i 3 ponc
No l'é tacà te la miora vida l campionat 2018/19 del Fascia Balon, ajache i ladins à portà a cèsa demò n pont. Dò aer venciù l giron de Copa Provinzia de gra a la ventes contra Cauriol, Cornacci e Giovo, l’é ruà la pruma de campionat olache i joegn fascegn à jià contra La Rovere.

L scomenz de la partida no l’é stat positif per i tousc arcedé da mister Chelodi, che i é stac metui sot dai jiadores, dassen più esperc, de La Rovere che i li à schicé te sie mez ciamp.

La seconda pèrt de la ...
media/k2/galleries/8176/thumbs/Bildschirmfoto_2018-09-12_um_08.51.19.jpg
16 de setember 2018

Bront per Alexander Demetz pra i campiunac talians

Granda fova l’emuzion per Alexander Demetz canche l à pudù pië do, n sada sëira a Pescara, la bedaia de bront pra la garejedes che valova per i campiunac talians assoluc de atletica lesiera tla disciplina dl decathlon L’Atletica Gherdëina Raiffeisen se à prejentà ai campiunac naziunei cun doi atlec y tramedoi cun l potenzial de pudëi arjonjer almanco i prim cin posć te tlassifica. L se trata de Alexander Demetz de Urtijëi y Alex Verginer da San Martin de Tor, che à dal scumenciamënt inant ...
media/k2/galleries/8199/thumbs/artur_downhill.jpg
13 de setember 2018

Artur, re dl downhill

Le jonn da La Ila davagna la categoria dla "national downhill series 2018"
Dan otedé, ai 9 de setëmber 2018, á Artur Frenademez da La Ila arjunt le pröm post de categoria y dl assolut ala gara finala de Pinzolo de downhill.

Cun i bugn resultac de dötes les gares desfirades tla sajun passada él sté bun da davagné le pröm post de categoria dla national downhill series 2018.

Tlassifica de categoria tla gara a Pinzolo: 1) Artur Frenademez (ASC TIROLER RADLER BOZEN), 2) Daniel Marchetti (TEAM BS D.H. & CO. A.S.D.), 3) Luca Comai (A.S.D GARDA PRO BIKE).

media/k2/galleries/8167/thumbs/Pius_Ploner.jpg
11 de setember 2018

Segra d’Al Plan – Segra dai goi!

La partida dal ASC Mareo a Vandoies é jüda fora söle resultat final de 5 a 5.
Avisa dan da en ann â mossü le ASC Mareo soghé pla Segra d’Al Plan fora de ciasa cuntra la scuadra da Vandoies. Y ince eniann éra stada ensciö, con na partida plëna de emoziuns.

Y desco l’ann passé á ince eniann endô la scuadra ladina motü man la partida mal. Al ne döra nia dio che i aversars é bogn da segné le gol dal 1:0 y püch dedô le 2:0, desche sce la scuadra ladina ne foss gnanca ciamó te ciamp de jüch. Mo do le secundo gol édl i marei co mostra finalmonter na reaziun y s’endespra. Plü ...
media/k2/galleries/8117/thumbs/salejei_fodomiadi.jpg
05 de setember 2018

Fodomiadi: Salejei fesc el tris

La ploia no l'à fermé el torneo de le Vijinánze rué ala 5^ edizion.
La scuadra da Salejei domineia encora en viade a le Fodomiadi, el torneo de balon a set ntra le Vijinánze da Fodom rué sto
ann ala 5° edizion. Siech ence sto ann le scuadre che a tout pert, nte chelche cajo en raprejentanza de deplù Vijinánze che s’a metù auna: Salejei, Renac/Chierz, La Court/Liviné/Brenta, La Plié, Reba, Andrac/Pala/Daghè. Na edizion chësta bagnada da la ploia ma che no n'à fermé la voia de se passé na giornada auna de sport e divertiment. (Lorenzo Soratroi)

(Dut l articol su le ...
media/k2/galleries/8092/thumbs/pale_campionac.jpg
01 de setember 2018

Palé: la 2a categoria mët man

Chësc fin dl’edema mët man i campionac amatoriai de secunda categoria.
Cun l’isté che vá plan plan a piz, mët ince indô man i campionac de palé dles scuadres amatoriales. Chësc fin dl’edema pëia ia les scuadres de secunda categoria.
Indoman sabeda al 1. de setëmber dales 16:00 sarál a Urtijëi la partida danter le Gherdëina y Aldein/Petersberg. Le medemo de mo dales 16:30 soga spo La Val te ciasa cuntra Le Sest.
La domënia ai 2 de setëmber dales 16:00 i tochera al Mareo da soghé te ciasa la partida cuntra Steinhaus, deperpo che la Val Badia jará ia Lijun por soghé ...
media/k2/galleries/8008/thumbs/fa592d05-1eb1-44cf-bc44-20b015573831.jpg
26 de agost 2018

Elia Eccher venc l Tornoi de tennis a Moena

Diesc dis de emozions de gra al Tennis Club Moena, che ence chest an no smentesc la spetadives.
- En domenia ai 19 de aost, aló dai ciampes de tennis del Navalge se à jià la partida finèla del tornoi “Cassa Rurale Dolomiti di Fassa Primiero e Belluno”, matches che apontin é stac jié dai 10 ai 19 de aost. Vegnù fora venjidor l’é stat Elia Eccher, de naa de Moena ma che l fèsc pèrt del zircol del Pardac, che l’à abù la soramessa sul gardesan Leonardo Lattisi, che te la partida de semifinèla aea batù Silvano Ploner. Ence l moenat del schi talian Cristian Deville à tout pèrt al tornoi, ma l’à ...
media/k2/galleries/8006/thumbs/Schermata_2018-08-23_alle_09.21.45.jpg
25 de agost 2018

Passa 400 atlec al Giro de le Notole

La sozietà sportiva Monti Pallidi à endrezà la 43^ edizion de la garejèda de corsa fora per paìsc.
- En mèrtesc ai 14 de aost da les nef da sera, stroz per la strèdes de Moena, se podea veder 431 coridores che se moea spedienc desche la nétoles (o le notole descheche i ge disc a Moena), con la gaissa de ruèr l più prest possìbol al travert.

L’era l “Giro de le Notole”, na corsa de net che vegn endrezèda oramai da 43 egn da l’Union Sportiva Monti Pallidi. L percors l’é de 6 chilometres, se ponta demez e se rua de retorn te piaz de Sotegrava.

Chesta garejèda é semper averta a duc, tant ai ...
media/k2/galleries/8005/thumbs/Schermata_2018-08-23_alle_09.16.54.jpg
23 de agost 2018

Corer “Anter le Lum”

N bel suzess per la 2^ proa del Campionat de val de corsa endrezà da l’Atletica Fascia 08.
En mercol ai 8 de aost a Poza l’é stat endrezà “Anter le lum”, la garejèda de net de 6,7 chilometres no competitiva, metuda a jir da l’Atletica Fascia 08 tel chèder del campionat de val de corsa. A la partenza se à binà 180 concorenc, i più picoi é peé via da les set da sera e doi ores dò l’é portà demez ence chi più gregn.

L scomenz de la garejèda l’era tedant l tendon de la manifestazions de Poza e l percors, enlumenà daperdut da focoles, se slarièa fora per paìsc e soraldut ti Ciancoai, ti ...
media/k2/galleries/7996/thumbs/Bildschirmfoto_2018-08-22_um_18.24.48.jpg
23 de agost 2018

Cater atlec dl Tennis Club Gherdëina pra l turnoi nternaziunel

ITF Val Gardena Südtirol Raiffeisen, n tel turnoi nternaziunel da 15.000 dolar de montdepesc’ iel unì metù a jì per l prim iede a S. Cristina sun i ciamps de tiera cuecena tl zënter dal sport Iman. Na ucajion nce per tenisc’ da tlo de se museré a livel nternaziunel. Venciù à l tudësch Peter Heller contra l jëunn de 17 ani de Le Sest/Sexten Jannik Sinner, che ova l atlet plu bënulù al publich.i tenisc’ de Gherdëina à pudù se fé na bela esperienza cun altec de livel aut.Sun la fotografia i doi ...
media/k2/galleries/7946/thumbs/Schermata_2018-08-14_alle_11.27.49.jpg
20 de agost 2018

Torn del Vaiolet: su e ju per le vie de Vich

Na marcia no competitiva per star ensema, se meter a la proa e passar na sera en legreza.
- Vich, chel pìcol paìsc sun chel col belot e al soladif, tant descomet da viver per soe erte, en martesc ai 7 de aost à tramudà fora soe vie te n percors de corsa, desfrutan chesta particolara conformazion per meter en esser na garejada con n “su e ju” che cava l fià, coscita che somea beleche de dessegnar coi pie, endana che se cor, chele trei torn che ge dasc l’inom a la garejada.  

N percors no massa lonch, de zirca 3,6 km, che dasc coscita l met a duc chi che vel de tor part.

...
media/k2/galleries/7942/thumbs/PHOTO-2018-08-13-16-40-02.jpg
17 de agost 2018

L’hockey rejona ladin

L’é scomenzà l “II° Trofeo Ladino-Elite 2018”, 6 partides anter squadres ladines per se verteèr en vista de la sajon
L’é pontà via la seconda edizion del tornoi ladin de hockey, competizion che tol ite la trei squadres ladines HC Gherdëina, SG Cortina e Fassa Falcons. En vender ai 10 de aost se à jià la pruma partida del tornoi, anter Gherdena e Cortina, con i ampezegn che se à vadagnà i prumes ponts.
Duta la squadres les é amò dò a chierir la miora preparazion atletica e na bona chimica de squadra, e no les é amò al complet con l marcià di jiadores che é amò avert.

Va inant l marcià ence per i Falcons

Endèna ...
media/k2/galleries/7847/thumbs/anna_2.jpg
31 de messel 2018

Gran récord por la gazela marora

Anna Pedevilla: pröm post al Südtirol Ultra Sky Race 2018, na gara de 121 km cun 7.500 m de deslivel
Cun chësc ultim bel resultat dan otedé ess l’atleta marora d’La Pli messü gní cherdada ai Mondiai tla Scozia, mo nia da nen fá: a livel nazional pel che al vales d’atres "regoles" co i bogn resultac de atletes y atlec. I titui da pröma indere, cun chësc ultim récord tla gara südtiroleja, ne pó degügn ti tó a Anna Pedevilla che salta - sciöche ara dij - "deache al me sá bel, y nia por ester miú co i atri!".

Deplü tla ediziun de La Usc stampada da en vëndres!

media/k2/galleries/7813/thumbs/Schermata_2018-07-26_alle_10.20.49.jpg
29 de messel 2018

DoloMyths Run: na edizion straordenèra

L president del Comitat de endrez Diego Salvador ge sporc l develpai a duc i colaboratores.
La rejona norvegeis, amàncol per chel che vèrda la classifica di atlec de ic, la DoloMyths Run Skyrace stata en domenia ai 22 de messèl. L venjidor l’é stat Stian Angermund Vik da Bergen che dò na gara ezelenta l’à passà via al travert de Cianacei l compagn, semper de la Norvegia, Stian Overgaard Aarvik, più joen de undesc egn. Se trata de la pruma venta de n norvegeis ma ence de la pruma outa sul podie de Nadir Maguet de la Val d’Aosta, che à coret ensema a l’amich Davide Magnini per gran pèrt ...
media/k2/galleries/7797/thumbs/37644900_989924971189375_6300559608385634304_n.jpg
25 de messel 2018

Vertikal Col de Lana dei record

El sloveno Luka Kovacic e la svizera Viktoria Kreuzer i a fat signé i nuos meio temp de categoria.
Sesta edizion dei record per la Vertikal Col de Lana. El sloveno Luka Kovacic e la svizera Victoria Kreuzer i a signé i doi nuos meio temp de categoria endriomán con 33:19 e 39:48. Le gran ploie del vender e de la sabeda no i à ruiné el teriol che va adërtasu da La Plié a la ponta de Col de Lana, ulache da siech agn encà atlec da deplù paisc i se sfida nte la specialité de le Vertikal. A l’edizion de sto ann ava fat a savei de volei ester inom de aut livel, come el cadorin Manuel De Col, che ...
media/k2/galleries/7759/thumbs/foto2_ladins.jpg
16 de messel 2018

"Europeada 2020": preparatifs

I "Ladins" a Lags (tod. "Laax") ti Grijuns por recordé i 5 agn dla lia CBR y pié ia cun i preparatifs por se presenté bun te dui agn
Ai 7 de messé 2018 él gnü festejé ti Grijuns a Lags i 5 agn dla CBR (Cultura Ballapé Rumantsch) che é l’organisaziun dla scuadra dl palé di ëi y dles ëres dl Ciatun Grijun.

Te chësta ocajun él ince gnü recordé i 10 agn dla Europeada, che ê gnüda organisada le pröm iade tl 2008 avisa ti Grijuns.

La CBR á invié por festejé chësc avenimënt la scuadra ladina maschila a na partida amicala y festa culturala. Ince les ëres rumantsches á soghé chël de cuntra la scuadra dles ëres Sorbes tla Germania. La ...