A Tramin s’á tl’ultima sabeda ai 13 d’aurí desfiré la finala dl campionat provinzial de volley VSS.
Les mitans dla U20 á sfidé la scuadra de ciasa dl Tramin, se portan a ciasa le trofé cun na devënta por 3 a 0. »Les mitans á soghé cun conzentraziun cina ala fin. Ince sce les prömes trëi partides áres pordü 3 a 2, áres tla secunda fasa davagné cuntra dötes les atres scuadres zënza bazilé. Porchël él sté emozionant cina ala fin; cun na partida sogada dër bun a Tramin áres podü stlü jö chësta sajun«, dij l’alenadú Giorgio De Grandi.
Gran sodesfaziun por les campionësses y ciamó deplü por i alenadus y familiars che á podü festejé deboriada ales atletes le bun resultat.
Deplü dles devëntes dles scuadres dl'US La Ila pónse lí tla ediziun nöia de vëndres 19 d'aurí !
Titul provinzial por l’U20 dla US La Ila
Tla finala dl campionat provinzial de volley VSS, desfirada a Tramin tl’ultima fin dl’edema, s’á la scuadra U20 dla US La Ila porté a ciasa la devënta. La scuadra feminila salüda la sajun 2023/24 cun n sorí söi slef y le trofé tla man
Galaria retrac
View the embedded image gallery online at:
https://www.lausc.it/sport/26930-titul-provinzial-por-l-u20-dla-us-la-ila#sigProIdef7a12c237
https://www.lausc.it/sport/26930-titul-provinzial-por-l-u20-dla-us-la-ila#sigProIdef7a12c237