En mercui, ai 17 d'aurí, él sté la Uniun di Seniors da San Martin y Antermëia che á metü a jí, adöm cun l’aministraziun dla Ciasa de Palsa, n batadú, cun le fin da rové deplü en contat y sté adöm cun i berbesc y les mëdes dla Ciasa. Al s’á abiné indöt 44 cartadus y cartadësses da döta la valada, tröc deplü co ch’an s’un ess aspeté. Dla Ciasa de Palsa n’él sté n valgügn che á tut pert y lapró n’êl ince cotanc che ciarâ pro. Carlo Clara y Gottfried Zingerle d’Antermëia á arjigné ca la lista di partezipanc, da chëra ch'al gnô trat fora ala niza i pers che rovâ adöm.
Le batadú che s’á trat ia y fora por bëgn cater ores é gnü davagné inultima da Claudio Clara y Heinrich Schuen. Secundi é gnüs siur Paul Campei y Hubert Ferdigg; le terzo post i é jü a Maria Ellecosta y Susanne Winkler. (Tone Gasser)
Deplü t’La Usc di Ladins di 3 de ma
Na bela cartada, te Ciasa de Palsa
En chësc de él gnü invié ia n batadú tla Ciasa de Palsa. N domisdé d’aurela cörta cun 44 cartadus y cartadësses da döta la valada
Galaria retrac
View the embedded image gallery online at:
https://www.lausc.it/valedes-ladines/val-badia/27026-na-bela-cartada-te-ciasa-de-palsa#sigProId06d0078030
https://www.lausc.it/valedes-ladines/val-badia/27026-na-bela-cartada-te-ciasa-de-palsa#sigProId06d0078030