Atualité

media/k2/galleries/8670/thumbs/Bildschirmfoto_2018-11-13_um_14.40.52.jpg
13 de november 2018

Ester adöm

Dan 40 agn metô sö n grup de ladins a Balsan la Comunanza Ladina. Un di fondadus, Carlo Willeit, nes cunta dl spirit da laota y di früc che l’uniun ladina a Balsan á porté. En sabeda domisdé saral la festa de iubileum tl Ciastel Marec
Jí a vire demez da ciasa y cinamai dainciará dai paisc olache al vëgn baié ladin, é gonot na plaia che sangonëia dî - sce nia dagnora. L’incherscimun por la jënt y la comunité de paisc pó dé do cun le tëmp, mo nia gní varí daldöt. Tl forest n’él nia saurí da tigní sö na identité che pé isolada y datrai emarginada. Sce i ponsun che te Südtirol vírel aldedaincö porsones che vëgn da chës 130 naziuns desferëntes, spo podunse se fá n cheder tan al edl che al dá ciamó te na cité sciöche Balsan na ...
media/k2/galleries/8669/thumbs/montli_invern.jpg
13 de november 2018

Arjigné l’auto por l’invern: al é ora!

Cun i 15 de novëmber messará i mesi motorisá avëi i montli da d’invern o morones da tó ca ince sön l’autostrada dl Prener. Sön les atres strades provinziales mësson bele sëgn ester arjigná ala sajun frëida.
De nëi n’él ciamó degun fostü, mo al é impó gran ora da baraté i montli da d’isté y mëte sö chi da d’invern. L’Ofize Motorisaziun dla Provinzia recorda che bele dai 15 d’otober incá á metü man la fasa de transiziun por passé dal’atrezadöra da d’isté a chëra da d’invern. Chësta fasa se stlujará jö cun la jöbia ai 15 de novëmber. La Motorisaziun recorda che i auti y i veicui che zircolëia sön les strades dla Provinzia mëss ester atrezá cun montli da d’invern o morones - sce al é nëi o dlacia ...
media/k2/galleries/122/thumbs/e0c0c61f26b2313f46e1e2f476a05382.jpg
09 de november 2018

Liejede l’edizion nueva!

media/k2/galleries/8663/thumbs/simboireligiusc.jpg
11 de november 2018

Chi simboi religiusc sconá

Canche al vëgn catastrofes, spo mëton forsc plü averda a valgünes particolarités, sciöche p.ej. chisc simboi religiusc che le rî tëmp á - altamo en pert - stravardé.
Le tëmp dla nöt dai 29 ai 30 d’otober é sté cröde cun la natöra y ince cun la porsona. Milesc y milesc de lëgns rosedá ince tles vals ladines incër le Sela, olache valgügn é ince tomá jö por ciases y frabiches. Edli acorc de porsones s’un á intenü indere de valgügn simboi sconá, sciöche an pó odëi tla colaja menada adalerch da Fabio Tschaffert da San Ciascian.
Tl gran retrat vëigon n crist sura Reba sö. Les rogossies á dassënn lobrí les sis de fer dlungia strada, mo le crist sön tru é ciamó ...
09 de november 2018

Comentar de pruma

Col, l "pais dei 250 eroi"
Cussì l é stà ciamà su Facebook sti di passai l pais da Col, ma podarave ester Fodom, La Rocia, Selva, Fascia, Alie...chichemai, duc sion stai Eroi nte sta situazion. Da paejana che à vedù con voge la malora pos dì che no l é stà degugn che no s'abe dat da fà. A la fin degugn sava co sarave ruà valgugn a ne deidà. Per l martes da doman i studafuoch i ava bele girà a pe dut l comun, risciando sua vita sot l vent, le boe e le piante, per fà na stima dei dagn e per vede che no fosse morc o ferii. ...
media/k2/galleries/8643/thumbs/45367121_10212532908185919_8948669235727433728_n.jpg
08 de november 2018

Dagn del ruo temp a Fodom e Col: come deidà la jent dei doi comugn

Siebe l comun da Col che chel da Fodom i à metù a jì doi conti corenti per dà l muot a chi che volesse dà na man a la jent che à bù dagn de podè l fà.Chis i riferimenc per podè dà n aiut:COMUN DA COL IBAN: IT 15 A 02008 61000 000002713253 SWIFT: UNCRITMM BIC: UNCRITM1M79 Causale: DANNI MALTEMPO OTT - NOV 2018 Intestato a : Tesoreria del Comune di Colle Santa LuciaCOMUN DA FODOMIBAN: IT 18 D 02008 61170 000101182807SWIFT: UNCRITM1N32Causale: Donazione danni maltempo ott-nov 2018Intestato a: ...
media/k2/galleries/8620/thumbs/1014251__no-name_.jpg
07 de november 2018

Priorités y intervënc te Südtirol

Südtirol: Al é gnü a s’le dé la pröma reuniun tecnica cun i patruns di bosć danejá y i ombolc di Comuns atocá. Kompatscher: Fonds straordinars y plann d’intervënt
Na mësa torona de laur sön co jí inant cun la recuperada y la venüda dl lignan, n fonds d‘emergënza davert da atira por i pröms intervënc y n management plan por che “düc sais ci y co che les cosses gnará fates”. Al é chëstes les prömes mosöres presentades inier ai 6 de novëmber dal presidënt dla Provinzia Arno Kompatscher y dal assessur por la proteziun zivila Arnold Schuler tl contest de na reuniun tecnica organisada tla Scora forestala ...
media/k2/galleries/8597/thumbs/Bildschirmfoto_2018-10-31_um_12.10.42.jpg
04 de november 2018

Diesc agn dala mort dl Prof. Walter Belardi

N recort personal
Le monn cultural ladin dess avëi dër mancia Walter Belardi, por sües vijiuns tleres y sotes di fenomens sozio-culturai dla Ladinia. So insegnamënt resta sciöche ejëmpl de impëgn concret y de idealism costant por la gauja ladina. I ciarun da se mirité l’arpejun spirituala y le patrimone de conoscënza che al s’á lascé zoruch.

Ai 31 de otober dl 2008 morîl a Roma le professur Walter Belardi, porsona dër conesciüda y aprijada ince tla Ladinia, por i tröc stüdi y i tröc libri che al á dediché ala ...
media/k2/galleries/8607/thumbs/giovanni.jpg
03 de november 2018

Daidun la familia de Giovanni Costa

Stödafüch, Comun y Uniuns di Paurs dl comun da San Martin fej n apel por cöie adöm spënores por la familia dl defunt Giovanni Costa de Ostí Vedl da Lungiarü.
La noela á porté n gran scassarot te döta la valada y provinzia. En lönesc sëra ai 29 d’otober, canche ince la Val Badia é gnüda atocada da na gran ona de vënt y rî tëmp, á baldi pordü la vita le stödafüch da Lungiarü Giovanni Costa, paur dl Lüch de Ostí Vedl, che ê ince zënza ingajé por la comunité, danter l’ater sciöche surastant dla Uniun di Paurs. Al lascia zoruch la fomena Hildegard y dui mituns. Sëgn ón tl comun da San Martin de Tor dé n sëgn de solidarieté por la familia atocada da ...
02 de november 2018

Scemplamënter: Dilan!

Comentar de pruma, de Pablo Palfrader
Al é zacó rî da ciafé les dërtes parores. Sëgn ch'i scrii, sunsi instës ciamó desturbé sö y spordü dai avenimënc che le rî tëmp á condüt te nüsc raiuns. Un n cunt é odëi les catastrofes tla televijiun, olache ares pê tan dalunc: an nen tol mefo at y fej alüsc n comentar ince passif. N ater cunt é les avëi dan porta: sintí sön tüa pel les conseguënzes, odëi i lëgns che gracia y toma, les eghes che se slunfa y vá porsura, löms y telefons che ne vá nia y cinamai che n volontar - Giovanni - perd la ...
media/k2/galleries/8602/thumbs/IMG-20181101-WA0022.jpg
01 de november 2018

Fotos da Col Santa Lizia: le tëmp á lauré burt

I comuns da Suramunt á sintí y sint dötaorela les conseguënzes dl rî tëmp de chisc dis: tëc de ciases y majuns é demez, roes strades slavatades sot fora. Valgünes impresciuns fotografiches de nosta colaboradëssa da Suramunt.
Do feter dui dis de isolaziun dala comunicaziun cun le rest dl monn, i éra en mercui garatada a nosta colega y redadëssa da Suramunt Giulia Tasser da se mëte por cört tëmp en coliamënt tres fonin y nes cunté en cört dla situaziun te so paisc - Col Santa Lizia. An é zënza forza eletrica, an é scialdi zënza rëi di fonins. Por ciafé indô la forza eletrica te certes fraziuns da na pert fora, podessera cinamai doré edemes. Ci che ara nes á cunté, pó ma ti dé a chi da defora na impresciun turghera de ...
media/k2/galleries/8571/thumbs/45066591_2040108206049214_2749329624117805056_o.jpg
30 de otober 2018

Soramunt y Fascia ISOLÁ

Intratan miorëia la situaziun tla Val Badia y te Südtirol
Cun la jënt de Fodom, Col y Fascia él al momënt dër rî da comuniché: les lignes de telefon y internet ne funzionëia nia, y te chi püc posć che ara vá zacó é la jënt zënza forza eletrica y cun i fonins a patrí desćiariada. Cun i auti él ince dër rî da se sposté, gnanca da Fascia ne vára da s’un jí - chësta é l’esperiënza che la redaziun de La Usc di Ladins fej da da doman incá. Canche la situaziun dla mobilité fisica y comunicaziun digitala gnará miú sarál da odëi, te Fascia s’aspeton le piec: ...
media/k2/galleries/8562/thumbs/Bildschirmfoto_2018-10-28_um_20.49.13.jpg
29 de otober 2018

Cianta con Nos: „L bel a cianté da pitli“

„Pra n valgun populi mesùren l avëi, la richëza dla persona aldò dla cumpëida dla cianties che la tën te si cuer“ (autor nia cunesciù). - N comentar de Marta SenonerTruepa cianties ons pudù audì l'ultima dumënia pra la ancunteda di pitli ciantarins/es, na bela ntraunida culturela de gran valuta. Per l 17ejim iede iel unì nvià via l „Festival di cores di mutons dla Ladinia“, chëst ann tla Cësa de Cultura de Sëlva, ulache l fova unit a s'l dé la prima edizion tl ann 1987, ntlëuta de si bona da ...
media/k2/galleries/8569/thumbs/ritemp.jpg
29 de otober 2018

Rî tëmp: ativé n numer vërt por la jënt

Bur tëmp y problems te döt le Südtirol. Ativada la situaziun d'alarm dala Proteziun zivila, numer vërt cun les informaziuns por i zitadins: 800 751 751
Da incö da doman dales 10 él pro la sënta dla Proteziun zivila de Balsan la Zentrala operativa provinziala che á le compit da chëie adöm les informaziuns y coordiné i intervënc liá al'ona ezezionala de bur tëmp te döt le Südtirol. Do che al ê gnü metü da en jöbia inant, che an aspetâ che al metess man da plovëi, la situaziun de proteziun zivila da zero a alpha, á la Zentrala operativa tut la dezijiun danmisdé da alzé la situaziun de proteziun zivila sön döt le raiun provinzial al livel cöce ...
29 de otober 2018

Provinzia de Belum: scole sarade incia doman

A gauja del ruo temp che l se sprolongia e dei dagn che l podarave portà nte desferente bande de la provinzia de Belum, l prefeto l à fat fora de tegnì dute le scole sarade incia doman, martes 30 de otobre.
media/k2/galleries/8559/thumbs/disastro.jpg
28 de otober 2018

Ruo temp: strade sarade siebe in Agordin che in Anpezo. Pericol che i ru i vade sorafora

In Anpezo n scavator che l eva ntel laor de netà fora l ru de Bigontina da la giara menada ju da l'aiva l s'à rebaltà. l laurant che l eva ite, per fortuna, no l s'à fat nia. Intant bele a pee via da incuoi strade sarade a gauja de aiva e boe siebe ju per la Agordina che in Anpezo. Chilò l pericol l é siebe del vars de Toblach che del vars del jof Tre Croci. Se invida la jent che à proprio da se muove per n vero debujegn a fà atenzion. Chilò la ordinanza de la prefetura de Belum.
media/k2/galleries/8557/thumbs/ploia.jpg
28 de otober 2018

De gran plöies, medefüch a Al Plan y scores stlütes tl belunesc

Le zënter provinzial dl’Ajentöra por la proteziun zivila de Südtirol á mené fora n avis de atenziun por les plöies de chisc dis. Intratan é i stödafüch gnüs cherdá por n medefüch a Al Plan y la provinzia de Belun tëgn les scores stlütes.
Alaleria plöiel dötaorela da inier incá. Südtirol y les Dolomites é tles ciafes dla presciun bassa, ci che condüj adalerch de gran plöies. Ega pó jí bun, do chës trëi edemes che al ne tomâ gnanca na gota, mo en chësc iade podéssel nen gní tröpa. Sce an stá ales previjiuns dl tëmp, n’él gnü dit dan fora cina a 150 mm, tan co 150 litri d’ega por meter cuadrat. Chësc á porté l’Ajentöra por la proteziun zivila de Südtirol da mené fora n avis de atenziun, cun azënt particolar tla nöt dai 29 ai 30 ...
media/k2/galleries/8558/thumbs/44859997_1911896408888006_5108824527274508288_n.jpg
28 de otober 2018

Doman scole sarade nte duta la provinzia de Belum

Insera na ordinanza del prefeto de Belum Francesco Esposito l'à fat fora, per rejogn de sicureza liade al ruo temp de sti di, che doman lunes 29 de otobre dute le scole de la provinzia de Belum le reste sarade.
media/k2/galleries/8520/thumbs/sad.jpg
27 de otober 2018

Conzesciun arlungiada de n ann

La Provinzia de Balsan ó garantí - por le momënt - la continuité dl sorvisc de mobilité publica ai zitadins y arlungia cina la fin dl 2019 la conzesciun dl trasport defora dles cités cun les corieres
La conzesciun por i sorvisc dl trasport publich de ligna defora dles cités cun corieres, de competënza dla Provinzia, toma cun la fin de novëmber dl 2018. Tratan che an aspeta la bandida nöia, él sté la Junta provinziala che á tut la dezijiun ai 23 de otober 2018 da arlungé la conzesciun cina ai 31 de dezëmber dl 2019 a condiziuns tecniches y economiches feter medemes.

Intratan elaborëia l’aministraziun provinziala la bandida nöia por la conzesciun di sorvisc dl trasport publich de ligna defora ...
26 de otober 2018

Comentar de Pruma

Inant adum te na epoca nueva
Con i resultac dles lites provinziales de Trent y Bulsan peia via na epoca nueva tla politica ladina a Bulsan y - bonamenter - ence a Trent. Coche presidenta dla Union Generela di Ladins dla Dolomites volessi n iade me complimenté con l conselier ladin nuef dla Provinzia Autonóma de Trent, Luca Guglielmi, dla lista „Fassa" y tl medem moment ti fé i mioures complimenc ai doi ladins lités te Consei provinzial de Sudtirol, Daniel Alfreider y Manfred Vallazza, y ti audé a duc per i cinch agn che ...