Chichemai sie ruà ite ta Penìa, amancol na soula outa l é ruà lo dal bar per se tor n café, o chechemai de auter. Lisa Lorenz, tedò banch, con bona maniera la ge à semper resservà a duc chenc n grignot o na bona parola: ensema sessaben con sie om Sergio Daprai e al didament de sie fies l’à semper ret chest bar con amor, pascion, pazienza. L paisc l é semper stat vif de gra ence a chest post olà se troèr: con la setemèna che vegn l bar l serarà e con chest donca se averc ence n capitol nef per la vita sozièla de paisc, daveder coche la sarà.
Jà d’uton via te paisc se l’aea sentù dir che chest invern fossa stat l’ultima sajon per l Bar de Penìa: i à belimpont dezedù de serèr deldut l bar, na dezijion touta ence con mingol de despiajer. Sion jic a rejonèr con Lisa, de sia vita al bar e de n mudament che soscedarà cambiaments ence te la vita de la comunanza.
L Bar de Penìa per egn anorum l é stat l cher de paisc, l menciarà...
Penìa l’à chest bar, che l é mingol cèsa de duc, per fortuna sion stat bogn de passèr zeche de positif. Sarà n bel vet canche l menciarà, soraldut al scomenz, ma dapodò la jent la se usa ite a no aer più la robes. Per cont mie, più che n bar l é na familia: duta la jent, tant noscia che i ghesć, i ama chest post, l veide dai messajes che i ne mana.
Podede lejer duta l'intervista su La Usc stampèda de en vender ai 26 de oril. (Nicoletta Riz)
L ultim café da Lisa e Sergio
En domenia ai 28 de oril serarà, do 53 egn, l Bar de Penìa, cher del ultim paisc de Fascia. Aon fat n viac ti recorc e ti momenc de contenteza, con ence vèlch lègrema, de Lisa Lorenz.
Galaria retrac
View the embedded image gallery online at:
https://www.lausc.it/valedes-ladines/fascia/27003-l-ultim-cafe-da-lisa-e-sergio#sigProId0e1a177769
https://www.lausc.it/valedes-ladines/fascia/27003-l-ultim-cafe-da-lisa-e-sergio#sigProId0e1a177769