La Usc di Ladins

Cotant erela sentuda l’identità ladina te la comunanzes de Fodom, Col e Ampez ti egn do la Gran Vera? Aeeles contac coi etres ladins? Ma soraldut co èla fat la jent a se trèr fora da la meseria? A se fèr su danef sia cèses? A se parèr da chi che la tirèa per l colet da una pèrt e da l’autra? L é domanes a cheles che la scritora fodoma Luciana Palla à chierì de ge dèr na responeta te sia neva publicazion dal titol »I ladini fra tedeschi e italiani. Una comunità di confine: Livinallongo del Col di Lana/Fodom 1918-2023« dat fora dal Istitut Cultural Ladin Cèsa de Jan. 

Se trata de na edizion renovèda e agiornèda che tol ite i egn dal 1948 fin anchecondì, respet a la pruma publicazion del 1986, très documenc e testimonianzes a ousc che la scritora à regoet te sia enrescides. N document dal gran valor storich, sozial e cultural che met dant n chèder chièr e rich de detaes de la storia de la comunanzes de Soramont che l é ence chela de duc i ladins del Sela. 

La neva publicazion é stata prejentèda en vender ai 12 de oril te sala grana del Istitut Cultural Ladin per endrez de la Majon di Fascegn e de l’Union di Ladins de Fascia, tel chèder de la scomenzadives de l’Aisciuda Ladina.

De più su La Usc stampèda de en vender ai 19 de oril.  (Monica Cigolla)