La Usc di Ladins

Tel chèder del Pian trienal per l svilup de na Comunità Amica de la persones con demenza, envià via dal Servije sozio-assistenzièl – Spazio Argento del Comun General de Fascia, en colaborazion con l’Azienda provinzièla per i Servijes sanitères e con l’APSP de Fascia, l é stat endrezà en mercol ai 3 de oril te sala de consei del CGF na scontrèda de gran enteres sul tem de la Desposizions Dantfora de Tratament (Disposizioni Anticipate di Trattamento), pervedù da la Lege 291/2017 (‘Normes en materia de consens informà e desposizions dantfora de tratament’) con la relazion de la dotora Cecilia Pagni, spezialista te la cures paliatives.

Chesta lege, cognosciuda ence desche lege sun chel che ge vegn dit ‘testament biologich’, la disciplina l’informazion de la persona e la registrazion de sie consens (o no consens) a prozedures diagnostiches e tratamenc sanitères e la ge permet a ogne persona, de maor età e bona de entener e voler, de dèr indicazions dantfora sul consens o l rebut de tratamenc sanitères da ciapèr se no la sarà più bona de se autodeterminèr. 

De più su La Usc stampèda de en vender ai 19 de oril.  (Cipriana Tomaselli)