La Usc di Ladins

N muie de jent à troà fora i inomes de la persones che era sul retrat fat en ocajion de na scontrèda de la Scola di Schi Vaiolet a Poza. Sul numer de en vender ai 19 de oril l é stat publicà la soluzion e n nef retrat, mingol più veie ajache l é stat fat del 1958 e che chest'outa rua enveze da Cianacei.

Ve diron de più la setemèna che vegn, endèna envion duc a ne responer manan na mail a: fascia@lausc.it o chiaman l numer de telefon 0462 764545 dant da en mèrtesc che vegn, per poder meter su La Usc la soluzion e i inomes de chi che respon.
Ve recordon che chi che ne porta n retrat da publichèr e chi che endoina i ciapa en don n liber, n CD, na bandiera ladina o fascèna o n gramièl brun, sporc da l’Union di Ladins de Fascia