Aon rejonà con Nicolò Weiss de sia vijion de turism, de le priorità per la val, de mobilità, de la sajon da d’invern e de servijes per i ghesć e i sentadins. Per el l é emportant crear relazion sul teritorie e se meter dant desche regia per i projec unitaries de val.
Col prum de oril t’es doventà ofizialmenter diretor de l’ApT de Fascia ma toa nomina é stata fata jà al scomenz de chest an.
Nicolò Weiss Ei chisc meisc passé l é stat l passaje de consegne, é lurà ensema a Paolo Grigolli, che à fenì fora so mandat de diretor de trei egn proprio a la fin de marz. Ensema aon fat na lista de na ventina de argomenc da se passar. Ades no l é più Paolo che me deida e che me dasc la segureza, ma é n team apede n muie enjignà.
Co te àl sapù chest passaje?
A vardar endò me peisse che l é 20 egn che é tacà chest percors, dant a Trent coi studies de marketing del turism, dapò col stage de n an a Trentino Marketing e i egn foravia a far esperienze. L é desche se se serasse n cerchie, le esperienze a la foresta me à servì per me far n bagai de esperienze e competenze che autramenter no aesse fat. Gio é scomenzà a lurar te ApT acà 4 egn, proprio al prum de oril del 2020. Me recorde che a la scontrada de conversazion de lurier ere ence mingol tocià percheche me saea che sie stat duta na vita che me enjignae per chest moment. Per me chest no l é n lurier, l é na miscion.
Podede lejer duta l'intervista su la Usc stampèda de en vender ai 19 de oril.
(Monica Cigolla)
Nicolò Weiss: la gaissa de n joen fascian a ciaf de l’ApT
L nef diretor de l’Azienda per l Turism à tout su le redene da Paolo Grigolli col prum de oril.
Galaria retrac
View the embedded image gallery online at:
https://www.lausc.it/valedes-ladines/fascia/26954-nicolo-weiss-la-gaissa-de-n-joen-fascian-a-ciaf-de-l-apt#sigProId104e5b8af0
https://www.lausc.it/valedes-ladines/fascia/26954-nicolo-weiss-la-gaissa-de-n-joen-fascian-a-ciaf-de-l-apt#sigProId104e5b8af0