La Usc di Ladins

En mertesc ai 30 de aurí á le Sorvisc ai Jogn Val Badia (SaJ) tigní la sentada generala, tl salf di stödafüch a San Martin. La presidënta Nadja Alfreider y le coordinadú Marco Ellecosta ti á de le begngnü a düc i mëmbri dl sorvisc, ales autorités politiches y a rapresentanc y rapresentantes dla provinzia.
Chësta sentada é stada de gran importanza, deache al ê ince da lité le consëi nü, por la proscima legislatöra de trëi agn. Dl vedl consëi él sté trëi porsones che s’á metü a desposiziun da resté inant: chëstes é Giuliana Clara, Felix Nagler y Luca Comploi; lapró él gnü Anna Tavella, Raffaella Irsara, Marta Piccolruaz y Matthias Frenademetz. Pro la sentada costituënta, che gnará tignida tles proscimes edemes, gnarál spo lité le presidënt nü dl Sorvisc ai Jogn y i mëmbri cooptá. La presidënta Nadja Alfreider á dé jö la inciaria.

Deplü sön la sentada generala, sön le "giulan" da pert dla presidënta che lascia y sön la colaboradëssa nöia podëise lí tla Plata dla Jonëza, t’La Usc di Ladins di 10 de ma