La Usc di Ladins

En domënia sëra ai 5 de ma s’á desfiré tl gran salf dles manifestaziuns a San Martin de Tor le conzert d’aisciöda dla Musiga da San Martin. Inann indô s’á le gran salf implí adora. Bele mes’ora dan le conzert êl toch y plëgn de vigni vers, da sö insom cina jö da pe. N bel tlap de porsones s’á archité cinamai sön porta en pe a ascuté sö le program musical, che la musiga á lauré fora ti ultims mëisc cun gran impëgn. Danter autorités, porsones dl clerus, êl ince n tlap de amisc dala Bavaria sentá tl publich. Tl aier sintîn na sort de eletrizité, de coriosité moscedada a morvëia por la gran novité: „Katrin Zingerle, la dirighënta nöia, aste aldí? Avisa ëra él!“

Cun n program musical frësch, á la dirighënta de 23 agn te so pröm conzërt mostré, che la bachëta sára danz da se gorné. Katrin Zingerle á surantut la bachëta al scomenciamënt dl ann 2024 da Sepl Pezzei, che á podü en chësta ocajiun pié do na onoranza particolara.

Liede inant tla ediziun nöia da incö, vëndres 10 de ma!