La Usc di Ladins

Ence anché l Stadium Aloch l’é stat teater de doi manche de schi de Copa Europa. L’event fajea pèrt del ‘trofeo Elke Pastore’ e l’é stat endrezà dal Ski Team Fassa. A la fin de la pruma manche, l’atlet ladin Manfred Moelgg l’é stat bon de vadagnèr la pruma piata. 

La seconda manche la é stata venta dal franzous Theo Letitre. Bona seconda pojizion da man del ladin Manfred Moelgg con + 0,06. L todesch Hoffman rua terz desmostran sia bona prestazion fisica. I ladins Kaslunger 6° post e Gori 14°.

Per chel che revèrda i atlec de la nazionèla talièna de slalom no partii chest dadoman, anter chisc ence Gross e Liberatore, sie stop l’é stat dezedù per precauzion dò aer troà fora caji de positività te la squadra.