Anpezo

media/k2/galleries/13866/thumbs/Bildschirmfoto_2020-10-29_um_08.44.39.jpg
29 de otober 2020

Ra cianpana e ra epigrafes

In Anpezo trope morte par sta marescia, pi che see intrà i vece: de chinesc inze ra ciaśa de comun Angelo Majoni. S'inpiza 'na fiantija, da i numere, ma 'l é festide par chel che suzede in Italia e par el mondo, in vea de ra stajon d'inverno
Un sfoi bianco tacà pede 'l outro, s'in conta cuatro, sun porta de jeja, el medemo di. Cuatro morte aduna, 'na steedida par el paes. De ste tenpe in Anpezo se vive col gosc, par chel che se vede e par chel che podarà suzede.

Deplù te la edizion dl 30 de otober
media/k2/galleries/13809/thumbs/Bildschirmfoto_2020-10-22_um_09.44.07.jpg
25 de otober 2020

Par se pensà de Riccardo Bonn

I carabiniere i no se desmentea de un de lore, morto del 1997 in Anpezo, inze 'l Rudavoi
L é pasà un grun de anes da chel di che el marescial de i carabiniere Riccardo Bonn 'l é morto in Anpezo, ma 'l é ancora tropa śente che se pensa de el.

Deplù te la edizion dl 23 de otober
media/k2/galleries/13808/thumbs/Bildschirmfoto_2020-10-22_um_09.44.19.jpg
24 de otober 2020

El paradis in Valbona

Sanin dapò Ezio
Da un tocheto in ca Ezio Smalzo el pousa par senpre, cemodo che 'l à lascià scrito, inze ra »so« Valbona.

Deplù te la edizion dl 23 de otober
media/k2/galleries/13807/thumbs/Bildschirmfoto_2020-10-22_um_09.44.12.jpg
23 de otober 2020

Ves 'na stajon fosca

El gnee dal ziel e chel pestizo, par scomenzà 'na stajon d'inverno che no se sà cemodo che ra podarà fenì. El festide de duta ra parsones che vive de chesto laoro. Ra regoles par montà su i inpiante, segure de no se marà. In à parlà ra asociazion Anef e ra politica taliana
In Fouzargo i é drio a lourà, par responde a duta chera śente che à chiza de se montà coi schie e no speta outro che de ciatà un inpianto daerto.

Deplù te la edizion dl 23 de otober
media/k2/galleries/13806/thumbs/Bildschirmfoto_2020-10-22_um_09.44.31.jpg
22 de otober 2020

In Anpezo se more e se padisce

Undesc morte e trope marade inze 'l paes, pi che see intrà i vece de ra ciaśa Angelo Majoni e i śoen de 'l hockey. El comun el se corda co ra Ulss par ciatà fora outre positive. Ra marescia inze i paesc śo par pede
Doa otes a ra setemana, del lunes e de śoiba, inpó el stadio Olimpico de ra jaza, i daerśe un drive in, da proà se ra śente r'é marada de Covid-19.

Deplù te la edizion dl 23 de otober
media/k2/galleries/13765/thumbs/Bildschirmfoto_2020-10-15_um_09.55.07.jpg
18 de otober 2020

Smart road de Alemagna

Zentenera de pale negre, par duto el stradon, fin in Sorabances, drio un projeto de Anas par i Mondiai de schie
S'à scomenzà a vede i prime, fora de Agabona, fin a Dogana, ma sarà da se uśà a in vede daparduto. In betarà zentenera, de chi pale negre, outre zinche metre, śo par pede el stradon 51 de Alemagna.

Deplù te la edizion dl 16 de otober
media/k2/galleries/13764/thumbs/Bildschirmfoto_2020-10-15_um_09.54.55.jpg
17 de otober 2020

Zento ane da recordà

Ra SchützenKompanie Anpezo Hayden, zento ane dapò, ra s'à pensà de canche i à spartì el Tirol. I scizar de ancuoi i varda inaante, inze un mondo che muda. Intrà i laore da fei inze 'l paes, sarae da bete su danoo el toulazo
Ai 10 de otobre 'l é un de chi dis da segnà sul lunario; del 1920 i s'à cordà, intrà state, dapò de ra Prima guera, par spartì chel che vanzaa de i vece inpere d'Europa, pi che see 'l inpero de i Asburgo, dapò che i s'aea ciatà 'l an ignante, a Saint Germain, ai 10 de setenbre del 1919.

Deplù te la edizion dl 16 de otober
media/k2/galleries/13763/thumbs/Bildschirmfoto_2020-10-15_um_09.55.12.jpg
16 de otober 2020

Ra foula granda de r'Union de i Ladis d'Anpezo

El laoro fato del 2019 co i conte; un gnon noo in consilio, de 'na femena; un saludo a i amighe che m'à lascià; el biśoin de stà leade a ra radijes, inze 'l buiroto de ste ane; i laore da fei sto an e un doman; una rechia par el profesor Bepe Richebuono
Beśen mantegnì r'identità, ste anes ciariade de struscies, par ra nostra śente, intrà Mondiai de schie del 2021 e Olimpiades d'inverno del 2026.

Deplù te la edizion dl 16 de otober
media/k2/galleries/13762/thumbs/Bildschirmfoto_2020-10-15_um_09.56.44.jpg
15 de otober 2020

Onbria negres sul paes

Deboto zento marade in Anpezo, pi che see inze ra ciaśa da pousà Angelo Majoni, agnó che el coronavirus 'l à beleche copà sié parsones. Outra regoles par ra vita da dagnadì, a scomenzà da ra scores. Tropo festide par ra stajon d'inverno, par el turismo e el sport
Son danoo ca a scrie de sta marescia, che r'é drio a petà seco anche in Anpezo, agnó che 'l é un grun de marade, agnó che 'l é tornà ra morte, a se tuoi i nostre vece.

Deplù te la edizion dl 16 de otober
media/k2/galleries/13712/thumbs/Bildschirmfoto_2020-10-09_um_09.40.32.jpg
13 de otober 2020

Core contra i confis

Su e śo par ra nostra crodes, su un segn lascià da ra storia, scrito da i ome
I é moeste ai 6 de otobre da Grado, i ruarà sul śuogo del Stelvio, el Stilfserjoch, ai 14 de otobre. I core sul confin, contra i confis.

Deplù te la edizion dl 9 de otober
media/k2/galleries/13711/thumbs/Bildschirmfoto_2020-10-09_um_09.40.49.jpg
12 de otober 2020

Vita noa par ra Difesa

Ades che mancia i Franzescane, se vede che chel santuario 'l é de ra comunità e dute pó dià 'na man par el precurà e el mantegnì. Intrà devozion e tradizion, da pi de siezento ane ra śente de Anpezo r'à amor par chel luó sacro. El laoro da monego de Giuditta Manaigo
I frates de San Franzesco i à lascià ra val de Anpezo, dapò de otanta ane de laoro par ra jeja de ra Madona de ra Difesa, ma ra śente del paes ra pó vardà inaante a chel santuario, par ra so devozion.

Deplù te la edizion dl 9 de otober
media/k2/galleries/13710/thumbs/Bildschirmfoto_2020-10-09_um_09.40.54.jpg
11 de otober 2020

Poliziote co ra roda

I à proà i anes pasade e r'é śuda polito; ades i s'à cordà par i anes che vien. I poliziote i dia ra Regoles d'Anpezo a i tende, par el bosco e su ra monte, ma anche par dià ci che à biśoin
Ades 'l é 'na carta firmada, par se cordà, intrà ra Regoles d'Anpezo e ra Polizia de stato, par lourà aduna, da i tende a chel che suzede inze 'l bosco o su ra monte.

Deplù te la edizion dl 9 de otober
media/k2/galleries/13709/thumbs/Bildschirmfoto_2020-10-09_um_09.40.40.jpg
10 de otober 2020

Da duto el mondo sul gnee in Anpezo

Ra Fis r'à dà fora ra śornades de ra gares, par doa setemanes, de febraro de 'l an che vien. Ruarà manco śente, sarà manco sode e 'l é da sparagnà: par chesto 'l é alcuanta noes
Domegna ai 7 de febraro 2021 i daerśarà i Canpionate del mondo de schie in Anpezo. Se se ciatarà in stazion, agnó che i vó fei sta festa, che ignante r'aea da ese inze 'l piazal de i atletes Azzurri d'Italia, daante al stadio Olimpico de ra jeza, un luó che 'l à fato ra storia de 'l sport, in Anpezo e fora.

Deplù te la edizion dl 9 de otober
media/k2/galleries/13708/thumbs/Bildschirmfoto_2020-10-09_um_09.41.01.jpg
09 de otober 2020

Saludo a Bepe Richebuono

Gramarzé ben da ra Union de i Ladis d'Anpezo, par ese stà un de nośoutre
Gramarzé ben, profesor Richebuono, par aé abù tanto amor par ra nostra tera, ancuoi strapazada e bartaśada de ogni ver, par m' aé vorù tanto ben a dute, par ra stima che aé senpre abù par ra Union dei Ladis, par el vosc testamento spiritual par i Anpezane: speron che see un troi par ra noa jenerazios.

Deplù te la edizion dl 9 de otober
media/k2/galleries/13659/thumbs/Bildschirmfoto_2020-10-01_um_11.26.18.jpg
03 de otober 2020

Bon, san, polito

Rua in Anpezo ra festa de ra cooperaties de Belun e Treviso, inze un paes agnó che 'l é 'na storia vecia, fata da parsones che 's stà aduna, a se dià un co 'l outro, drio el spirito de ra Regoles
In Anpezo ón doa istituzios che 's vive ogni di el spirito de ra coperatia, de stà aduna e se dià un co 'l outro, par prozede polito: 'l é Cortinabanca e ra Cooperatia.

Deplù te la edizion dl 2 de otober
media/k2/galleries/13658/thumbs/Bildschirmfoto_2020-10-01_um_11.26.30.jpg
02 de otober 2020

Foula granda de r'Ulda

Sta ota beśen se ciatà inze l Alexander Girardi Hall. El laoro fato 'l an pasà, chel de sto an, i projete par el doman. Ra porta r'é daerta par dute
No s'à podù ra fei d'ousciuda, se ra fesc d'outon: ra Union de i Ladis d'Anpezo ra ciama ra foula granda de i socie, par vendres ai 9 de otobre, dares 20.30 da dasera, in second convocazion, dapò che ra prima r'é dares 8 da bonora.

Deplù te la edizion dl 2 de otober
media/k2/galleries/13657/thumbs/Bildschirmfoto_2020-10-01_um_11.27.03.jpg
01 de otober 2020

Un gran amor par Anpezo e ra so storia

Co 'l so ultimo pensier, Bepe Richebuono 'l à domandà de ese seporì in Anpezo, inze 'l paes agnó che 'l à pasà i anes pi biei. Una vita longa e bela, piena de amor par chiste luoghe, par ra storia, par ra parlada ladina de chesta śente. El testamento: no stajé a strazà duto chesto ben de Dio. Ra memoria col Cristo de Śuel e ra Madona de ra Difesa
Bepe Richebuono el pousarà in Anpezo. L é stà el a domandà che el so zendre el see betù inze 'l porteà del paes che i aea sporto un bon azeto, el 1 de agosto del 1948, canche 'l é ruà ca par ra prima ota e 'l à ciatà el pree badioto don Pietro Frenademaz, el »Pioan vecio«, che i à dà el bon azeto.

Deplù te la edizion dl 2 de otober
media/k2/galleries/13603/thumbs/Bildschirmfoto_2020-09-24_um_09.45.14.jpg
28 de setember 2020

Cher'aga da precurà

El laoro de i ome co ra mondura, par defende ra majia del Lago del Sorapisc e de ra so bela aga zeleste, che dute vó vede. Ma i é de trope che no n'à creanza
Ra stajon ra no n'é fenida, che 'l é ancora un grun de śente che rua su par sta crodes, pi che see i dis a ra fin de ra setemana, dal vendres fin del domegna, ma 'l é ormai ora de fei calche conto del laoro fato.

Deplù te la edizion dl 25 de setember
media/k2/galleries/13602/thumbs/Bildschirmfoto_2020-09-24_um_09.45.00.jpg
27 de setember 2020

Fei polito e spende de manco

Intrà Anpezo e Austria se studia cemodo fei su danoo ra pista Eugenio Monti de Ronco, par el bob, cocio e skeleton, da dorà par ra Olimpiades 2026. Se vorarae spende algo de manco de chi 43 milioi de euro che se dijea dinprin
In Anpezo 'l é da fei su 'na pista noa par el bob, inze 'l bosco de Ronco, da dorà par ra Olimpiades d'inverno 2026.

Deplù te la edizion dl 25 de setember
media/k2/galleries/13601/thumbs/Bildschirmfoto_2020-09-24_um_09.45.25.jpg
26 de setember 2020

A spaso co ra Regoles

Ignante no s'à podù, ma ades se moe danoo a caminà par el bosco e su ra monte, par cuatro mercui de outon, par conosce meo ra val de Anpezo e outre luoghe śo par pede
D'ousciuda no s'à podù, che saon dute sarade in ciaśa, senza podé se moe. Ades el Parco e ra Regoles d'Anpezo i à ogà danoo chera bela caminades del dapò disnà, con el dotor forestal Michele Da Pozzo, par inparà algo depì de chel che ón d'intorno.

Deplù te la edizion dl 25 de setember