Anpezo

media/k2/galleries/26752/thumbs/Biathlondaride_foliet_web.jpg
27 de merz 2024

El »Gaudi biathlon« de Antholz

Un sport fato par ride, par smatiśà, par proà e inparà algo de noo, che vien da ‘na storia vecia de cisacan, su ra medema pistes de i Mondiai 2020 e dera Olimpiades 2026
Inze el stadio de biathlon de Antholz/Anterselva ‘l é poscibile proà el biathlon da ride. Ra scora de fondo ra organiza par grupe de amighe, impreses o ci che à voia de proà algo de noo, una stafeta de biathlon.
Ma ce elo el biathlon? L é un sport anche olimpico, agnó che se core co i schie da fondo e se sbara al poligono. Inze ra storia se pó ciatà pitures rupestri del terzo milenio ignante de Cristo, agnó che se vede che i śia a caza con el arco e i schie, soralduto in Norvegia e i paeses de ...
media/k2/galleries/26750/thumbs/Croda_da_Lago_valanga_14.3.2024-Enhanced-SR_foliet_web.jpg
25 de merz 2024

Sote ra laina in Croda da Lago

I ea de tre, co ra peles, su par forzela Adi, canche ‘l é vegnù śo el gnee: sta ota r’é śuda ben, ma ‘l é da i tende
Sta ota r’é śuda ben. Chi tre, che i ea drio a śì su co i schie e ra peles, ves forzela Adi, in Croda da Lago, i se r’à caada. El gnee, ruà da sora de lore, in à menà via doi, par supośò sesanta metre; ‘l é un on de 51 ane da Venas e un de 47 da Faenza. Al terzo r’é śuda ancora meo, parcé che el gnee no ‘l à brincà e ‘l à podù śì a dià chi outre doi e ciamà i socorse. Canche ‘l é ruà ‘l elicotero i s’aea beleche tirà fora da ra laina e i à menade su ‘l ospedal de Belun. Chel outro ‘l é vegnù śo ...
media/k2/galleries/26751/thumbs/Bobbardemolito20240314_110047_foliet_web.jpg
24 de merz 2024

Un piazal voito, par el cantier

I à desfato el Bob bar, ben conosciù da dute, in Anpezo. Ades inze chel piazal i laora, da fei su ra pista da bob par i Śoghe d’inverno 2026
»Se ciaton dares 9 al Bob bar«. Cuanta otes s’alo sentù o lieto, in Anpezo, che se doraa chel piazal, pede ra pista da bob, a Ronco, par se ciatà da bonora, mangare da lascià śo alcuante automobiles e montà dute aduna, par fei un viaśo. Cuanta otes, canche se tornaa da ‘na caminada, da un śiro su par ra crodes, se ruaa là, a se bee un goto, a magnà algo. Bon, ades el Bob bar i ‘l à desfato, no se ‘l vede pi. I dis pasade ‘l ea un grun de brees e de trae, de chera baraca de len, e ades i à menà ...
media/k2/galleries/26748/thumbs/EnricoVallemarangon20240312_105605_foliet_web.jpg
24 de merz 2024

Zento e vinte ane de storia che fenisce

Tre jenerazios intrà mobilia e schie, inze ‘na botega agnó che dinprin ‘l ea r’aga a moe ra machines. Ancuoi ‘l é duto ceto e voito
Chera botega da marangon de i Valle de Moris, a Jilardon, r’é sarada, dapò de zento e vinte ane. Col mes de marzo s’à fermà ra machines, no se sente pi i ome che sia o che piana ra brees, cemodo che suzedea da i prime ane del Noezento.
L é i 4 de agosto del 1904 canche Giovanni Valle de Moris i domanda a ‘l Capitanato asburgico de Anpezo de podé dorà r’aga de un ru che pasa śo par pede ciaśa soa; ‘l é r’aga de ra fontana de sant’Uriana, che ancora ancuoi rua inze un brento, intrà ra ciaśes de ...
media/k2/galleries/26749/thumbs/Agadeita_foliet_web.jpg
23 de merz 2024

Bon pro co r’Agadeita olimpica

El laoro de Castagner co r’ua che vien da Belun, par ‘na snopes col gnon anpezan. Bozes da dagnadì e outres da tegnì da conto
Par ra Olimpiades e Paralimpiades d’inverno 2026 sarà pronta ra snopes Agadeìta riserva. L é drio a lourà par chesto Castagner, ra distileria veneta, una de ra pi grandes e conosciudes d’Italia. Par fei chesta snopes i dora ra ua che cresce śo par ra provinzia de Belun, che ra toma inze, da un ciou a chel outro, inze sto projeto.
In à parlà ra setemana pasades, ca in Anpezo, canche i à portà ra prima bozes de Agadeita, de doa sortes, chera da dagnadì, che se ciatarà in śiro par ra ostaries, e ...
media/k2/galleries/26685/thumbs/FlavioMenardiDiornista20240221_145527_foliet_web.jpg
21 de merz 2024

L insogno de un śoen

Core su ra pista pede ciaśa: Flavio el varda i laore de Ronco e el pensa a ‘l so doman, con chera de venze ‘na medaia in Anpezo
L anpezan Flavio Menardi Diornista ‘l é pilota de bob paralimpico, un de i sport che el fesc polito, d’inverno e d’istade, aduna co r’atletica e ra pesistica. I dis pasade ‘l é ruà pede a ra medaia, a i Canpionate del mondo de parabob, a Lillehammer, in Norveja, su ra pista lasciada da ra Olimpiades 1994, che i dora ancora ancuoi, dapò de trenta ane.
Da ra so ciaśa de Ronco ‘l à vardà via, canche i à scomenzà i laore par ra pista noa da bob, skeleton e cocio, par i Śoghe d’inverno 2026, canche i ...
media/k2/galleries/26684/thumbs/LargoPoste20240307_121835_foliet_web.jpg
20 de merz 2024

Se jaa sote ra piaza de ra Postes

Un an e meśo de cantier par bete automobiles sote tera e par aé ‘na piaza noa via par sora. Se vó anche meorà ra strades d’intorno. Un projeto che rua da indalonśe
I é drio a scomenzà a jaà sote ra piaza de ra Postes, inze ‘l cuore de Anpezo. I à spetà che pasase el guergno de ste dis, ra gneegades, par daerśe el cantier. Algo i aea fato a ra fin de ‘l an pasà, de dezenbre, canche i aea fato i prime buje, da bate śo i pale. Giorgio Da Rin ‘l é loudaduó par i laore de comun: »I scomenza a jaà pede ra Ciaśa de ra Postes, da bete śo i micropale. Dapò i se tramudarà, da un cianton a ‘l outro de ra piaza. No se podarà śì inze co i automobiles par un an e meśo, ...
media/k2/galleries/26683/thumbs/world-blood-donor-day-creative-collage_web.jpg
19 de merz 2024

El don pi gran: ra vita

In Anpezo ‘l é manco donatore de sango e pi vece: ‘l é da fei algo par ciamà i śoen, da śì inze ra scores. Sto an in sfilada co ra bandes de agosto
Ra sezion de Anpezo de ra Asociazion da Belun de i donatore de sango r’à 174 sozie che dona; i ea de 189 del 2022. Donca i é senpre demanco, ma i é anche senpre pi vece, cemodo che à contà el sacretario Claudio Vecellio a ra foula de ra sezion. L aea beleche dito canche l ea stà ra zena e ra foula, ‘l an pasà.
Un terzo de i donatore de Anpezo à pi de 55 ane; donca i é deboto drio a lascià, che se rua fin de 65 ane, anche se ades i é drio a slongà, da ruà fin de setanta, canche un stà ben, ‘l à ...
media/k2/galleries/26682/thumbs/Pistabobcantiere20240311_141803_foliet_web.jpg
17 de merz 2024

Scomenza a lourà el cantier par el bob

Rua in Anpezo ra machines e i ome par fei su chesto inpianto de sport par i Śoghe d’inverno 2026. I laora anche a Socol, par fei su el vilajo de i lourantes del cantier
De un ver ‘l é ‘na machina che majena ra toutes de i laresc che i à roesà, par dapò ingarià duto; i mena via ra taies e i longare, ves ra sia, da fei fora brees e trae. De chel outro ver rua i camion, par daerśe el cantier de ra pista da bob noa, par ra Olim­piades 2026. L é un gran reśiro a Ronco, ste dis, anche se ‘l é nafré de gnee, par el bosco: ‘l é masa poco par fermà un cantier che à prescia. Par scomenzà i à betù redes de fer, duto d’intorno, da no śì inze, pede a cheres de ...
media/k2/galleries/26681/thumbs/Carabiniericontrollistrada_foliet_web.jpg
16 de merz 2024

Da Roma in Anpezo co ra so malagrazies

I Carabiniere i à brincà un che menaa ca droga; el ruaa a dorà ra pistola, par scaturlà chi outre e podé vende depì. Ra paroles de el capocomun e de el pioan. Ra storia de San Vido, i anes pasade
El tegnia droga da vende a chi outre; par śì adora a vende depì ‘l ea pronto a spaśemà chi outre spaciatore, a i petà fora, a i manazà co ra pistola. Par duto chesto e outro pede i à brincà un on da Roma, de 35 ane. I Carabiniere de ra conpagnia de Anpezo, aduna co ra Procura de ra Republica de Belun, r’à sarà chesta organisazion, che ra śia inaante almanco dal 2021. Chesto on el louraa con de outre, i conta oto parsones: chi outre i pagaa o sedenò i lasciaa nafré de droga, che i podese ra dorà ...
media/k2/galleries/26636/thumbs/IRonchericomposizioneambientale20240214_114726_foliet_web.jpg
13 de merz 2024

Ce un reśiro de tera par stradon

A jaà, inze i cantiere, souta fora un grun de material: in Anpezo no sesà agnó el bete, tocia viaśà in Cadore, con coste e desturbo
In Anpezo no se sà agnó bicià ra tera, i sasc, el material che vien fora canche se jaa, inze un cantier, da fabricà. Duto chesto suzede propio ades, che de laore da fei in é un grun, e trope pitosc grei, ste doi ane che me mena ves i Śoghe olimpici e paralimpiche d’inverno 2026. Par chesto an 2024, e dapò par el 2025, i parla de fei ra strada noa, a man zanca de ra Boite sote ra strada de ra Guides; i à un outro projeto pi in outo, intrà i pontes Corona e Crignes, sul Lungoboite Majoni; i à da ...
media/k2/galleries/26637/thumbs/EvaldoGaspari10agosto2016_foliet_web.jpg
12 de merz 2024

Bon viaśo Evaldo

Una vita intiera a se pensà de chel che ‘l é stà, a inparà e studià, a insegnà a chi outre. El so amor par ra farata e ra vecia Ferrovia delle Dolomiti: el libro del 1994
In Anpezo manciarà Evaldo Gaspari Moroto. Manciarà ra so stories, chel che el contaa, che ‘l aea vedù o che ‘l aea inparà da outre, da ‘l vecio in fora. Algo de chesto so saé ‘l aea contà, ai 10 de agosto del 2016, anche a ra parsones che và a scotà i »Mercui de ra cultura ladina«, che ra Union de i Ladis d’Anpezo parecia ogni an d’istade. Evaldo ‘l aea acaro de parlà a ra śente, de contà chel che el saea.
Gaspari el saea soralduto de ra vecia sozietà Ferrovia delle Dolomiti, de ra farata ...
media/k2/galleries/26635/thumbs/Parcogiochi20240304_1333481_foliet_web.jpg
11 de merz 2024

Chi śoghe par el paes

I é drio a desfei el parco par ra famea, da ‘l bete in śiro par ra val
I à desfato chi śoghe de len, che i aea betù su chel col sora Sopiazes, sora el tennis e ra palestra da ranpinà Lino Lacedelli. Là r’à da pasà ra pista da bob noa, par ra Olimpiades 2026; là i aea beleche roesà ra piantes, tolesc via chi poche laresc che ‘l ea vanzà, i anes pasade, propio canche i aea fato su el parco par ra famea, da śuià, da smatiśà. I à tolesc via anche chi cuerte de len che ‘l ea poco pi in outo, pede el piazal de el Bob bar, che i aea fato su, par podé se bete a sosta a ...
media/k2/galleries/26634/thumbs/LadisdaColedaFodom_foliet_web.jpg
10 de merz 2024

Federazion de i Ladins de Souramont

Tre Comune e tre Unios culturales aduna, par domandà a ra Rejon Veneto de fei algo depì e meo, par chesta tera
Ra tre Unios ladines de Anpezo, Col e Fodom ‘s à chera de bete a śì ‘na Federazion de i Ladis de Soura­mont, inze ra Rejon Veneto. Par chesto ‘s à domandà a i tre comune de fei ‘na delibera, da mandà a Venezia. Del 2022 chesta tre Unios s’à destacà da ra Federazion che tol inze dute i Ladis sote el Veneto, in śiro par Cadore, Oltreciusa, Comelego, Zoldo e Agordin.
Ai 29 de febraro el Comun de Anpezo, con dute i consiliere d’acor­do, ‘l à votà ra prima delibera. Conpain à da fei ades i ...
media/k2/galleries/26639/thumbs/GianlucaLorenzi7.12.2023_Bandion_foliet_web.jpg
09 de merz 2024

Te fajon fora, se te fesc ra pista

Un burto jesto, de ‘na parsona zenza corajo, a manazà el capocomun Lorenzi. In paes se respira ‘na reoura, sarae ora de stà pi aduna
»Se te vas inaante co ra pista da bob, te fajon fora«. Chesto i à scrito a man, su un sfoi, che i à mandà al capocomun anpezan Gianluca Lorenzi Chenopo. El ‘l à pasà ra letra a ra polizia e ades ‘l é ra majistra­tura che varda drio, con chera de ciatà ci che ‘l é stà. No sarà fazile, ma sarae bel saé ci che ‘l é sto arnaśo zenza corajo, gnanche bon de bete el so gnon, sote ra so braures.
»No me sà bel ciapà chesta letres – me disc Lorenzi – ma de seguro no me spaśemeo. I poliziote i stajarà ...
media/k2/galleries/26587/thumbs/Frangivento20240220_111407_foliet_web.jpg
06 de merz 2024

No se core par strada

Beśen ese judizios, canche se oga: el projeto de ra machina Frangivento ‘l é ruà in Anpezo, con chera de salvà ra vita, pichesee a i śoen
Ra Cooperatia de Anpezo ra dia ‘na man a ‘l projeto »Va pian, che te sos un esenplare unico«, nasciù par i domandà a ra śente de no core par strada co i automobiles. Par insegnà chesto, i à betù fora, parpiaza, ra machina Frangivento, ra supercar disegnada e fata su da Giorgio Pirolo, che ‘l é śù a petà ‘l an pasà, canche i à fato ra gara de machines Pedavena – Croce d’Aune. Incraota Pirolo éśù fora de strada, su ‘na voltada, ‘l é pasà intrà doi guard rail, ma el no s’à fato nuia, e gnanche ...
media/k2/galleries/26582/thumbs/ScuolaRinaldoZardini2022_foliet_web.jpg
06 de merz 2024

Ra Zardini a ra Provinzia de Belun

I s’à cordà intrà Comun de Anpezo e Provinzia de Belun, par bete ra scora outes inze el ciaśamento de ra meśanes
Da canche ra scora meśana ra s’in é śuda inze el vecio ciaśamento de ra scora popolares Duca d’Aosta, poco indalonśe, inze ra Rinaldo Zardini ‘l é vanzà tropa aules, coscita el Comun de Anpezo e ra Provinzia de Belun s’à cordà par res dorà. Se sà che par ra scora popolare e chera meśana à da proede el comun; par ra scora outes tocia a ra provinzia. Ca in Anpezo ‘l ea meśo e meśo, parcé che inze ra medema ciaśa stajea duta doa chesta scores. De sote ‘l ea el el liceo scientifico e ‘l istituto ...
media/k2/galleries/26585/thumbs/CioaRonco20240221_145142_foliet_web.jpg
04 de merz 2024

Cio e Laresc a Ronco

El medemo di che ruaa in Anpezo el Comitato olimpico a vede i laore, i à scomenzà a roesà piantes. Par el cantier ‘l é ancora da spetà
Dares 7 da bonora de mercui, ai 21 de febraro, i à scomenzà a roesà ra piantes de ‘l bosco intrà Ronco e Ciadelverzo, agnó che i à da fei su ra pista da bob noa, par ra Olimpiades d’inverno 2026 . El prin di s’à sco­menzà; da ‘l indoman i à daerto fora duto, su ‘l col che ‘l é de sora de ra palestra da ranpinà Lino Lacedelli e el tennis de el pian de Sopiazes. I à fato lustro pede ra ciaśes de Ciadel­verzo de Sote, agnó che sarà el fabricato pi gran de ra pista noa, sote ra vecia ...
media/k2/galleries/26581/thumbs/JohannesTrappCIMG8485_foliet_web.jpg
03 de merz 2024

In memoria de Johannes Trapp

Un on che ruaa da outre tenpe e che aea inparà a vive chi de ancuoi. Un insonio par ra so familia. Un pensier da r’Ulda
Fosc calchendun de i sozie de r’Union de i Ladis d’Anpezo se recorda el viaśo in Val Venosta del 2012, canche dabonora son śude a vede el marmo de Lasa e del dapò disnà son śude a Sluderno a vede el Castel Coira. Castel Coira, Churburg par todesco, l é sta fato su intor el 1250 e l é inze man de ra familia Trapp dal 1500. Dal momento che el no n à mai abù dane da ra gueres, l é vanzà ancora tante toche vece de inze e de fora e tanta roba de incraota, conpresa una inportante racolta de armes e ...
media/k2/galleries/26584/thumbs/Exmercatorendering_foliet_web.jpg
02 de merz 2024

El vecio mercà e el Comunale

Un projeto da fei fora el piazal sote ra jeja e el ciaśamento de el vecio pistor. Paga Simico, par i Śoghe olimpiche e paralimpiche 2026, ma dapò duto resta a ‘l Comun de Anpezo: i alośe, ra piaza e i poste par i automobiles
I fajarà fora noe cuartiere, con dute i servizie pede, ra ciaena e outro; una piaza da śì a pe; zincuantaun poste sote tera, da bete i automobiles; outre locai da fei magaśen par el comun; un fabricato noo, da dorà par i Śoghe olimpiche e paralimpiche 2026, che dapò restarà al comun, da fei ce che el vó. L é duto chesto inze el projeto da fei fora el piazal de el vecio mercà, che ‘l é sote ra jeja de i sante Felipo e Iaco, e chel ciaśamento de comun, agnó che ‘l ea inze el pistor, fin śa poche ...