La Usc di Ladins

Maurizio Dellantonio Bandèr da Moena l é stat confermà per sie quarto e ultim mandat a cef del Corp Nazionèl Socors Alpin e Speleologich (CNSAS). La radunanza nazionèla é stata chiamèda ite en sabeda ai 5 de oril a Milan con la prejenza ence de na raprejentanza del Club Alpin Talian. Chest l é n moment emportant per la vita e l’atività del Corp che à vedù belapontin la conferma del president nazionèl e l renovo de la Direzion nazionèla, che restarà en cèria per 3 egn. Ensema a Dellantonio l é stat lità Alessandro Molinu de Buddusò (Sassari) desche vizepresident vicarie e l trentin Roberto Bolza de Pieve de Bono-Prezzo desche vizepresident.

De più su La Usc nr 14 dai 11 de oril: sul sfoi stampà da troèr ence te la boteighes de sfoes de la valèdes ladines o sul pdf per i aboné al e-paper.  (La Usc)